婚享同學會


可用已有生活易帳號

登入


未有生活易帳號?

立即註冊

Winnie0810的BLOG

Winnie0810的主頁 | 查看全部BLOG
自我介紹:
娛樂新聞記者,新名係Mrs. Chan 陳太、陳師奶~ 歡迎參觀工作page雲妮手札: https://www.facebook.com/winnie810corner/

你可能也喜歡…

當前第 12 個 | 共 165 個BLOG      上一個 | 下一個
查看BLOG | 返回BLOG列表

【包媽孕記】Ep. 143 --- #媽媽唔易做 感恩遇上多功能陪月秋蓮(附陪月面試問題小分享

By Winnie0810 (聯絡作者) 於 2020-06-23 15:51

最近身邊又有幾位媽媽私下搵我拎電話,唔係我電話而係陪月電話哈哈哈﹗由於剛剛驗到BINGO不便張揚,所以都係等講得先恭喜啦

有人覺得陪月一街都係啦使唔使咁誇張咁早搵?講認真,的確要早過晒決定睇邊個醫生,公立定私家生B。請陪月就同請工人一樣,好講彩數,網上唔少黑心陪月睇完分享都咪話唔驚,加上依家疫情,衛生要求更加要提高﹗

【包媽孕記】QE順產27小時全紀錄(上)[極長文慎入]

【包媽孕記】QE順產27小時全紀錄(中)[極長文慎入]

【包媽孕記】QE 順產27小時全紀錄(下)[產後房&A11私家房]

陳包包係我嘅第一胎,雖然早早做足準備,上堂實習又不停請教媽媽朋友,但新手媽媽總係忐忑嘅,每事擔心,由以前覺得請陪月係件奢侈嘅事,到依家諗返轉頭,好慶幸自己請到個多功能陪月,如果無咗秋蓮幫忙坐月,產後呢一個月真係難以想像點渡過……

更多分享 follow FB Page: 雲妮手札 https://www.facebook.com/winnie810corner/

懷孕5周時已經同秋蓮聯絡,因為朋友仔BOOK(正正係我對上一個客),而且佢有3位親友聘請過都讚不絕口,約見會面時對答亦令我同老公相當放心。簽約後不時Whatsapp提醒我養胎食啲咩,雖然我早咗少少入院趕唔切家訪,但佢都即刻約我先生俾定炒米茶及薑粉入院使用。

出院後開工,秋蓮一入屋就會先換好乾淨衫,佢話去過街市要換乾淨衫先掂BB;每日都戴住口罩工作,話大人總有少少口氣唔想俾初生BB聞到,對於呢幾個月抗疫期間大家高度關注衛生問題,秋蓮絕對係做到101分﹗(啲相露咗個鼻出嚟因為要聞下臭臭有無異味,之後有戴返好架)

【包媽孕記】瘦B媽媽心裡苦 家人好友慎言當幫忙

【包媽孕記】做媽媽原來連生病權利都沒有……

做嘢又相當勤快,雜亂嘅廚房用具幫我執到井井有條,就連本身無分類嘅bb衫同用品,都幫我分門別類執好晒~老公都話完全無法想像點解佢一日可以做到咁多嘢﹗早午晚三餐大湯燉湯,仲不時有甜品同下午茶,花款好多仲要味道相當唔錯,完全癲覆我哋對「坐月無啖好食」嘅觀念。

難得地仲識幫我地慳買餸錢,由於撞正坐月嗰排無內地豬運嚟,豬肉貴到一個點﹗嗰陣買新鮮豬動輒二百蚊﹗﹗秋蓮唔嫌麻煩,會喺佢屋企附近買啲餸,到我地附近又買啲,個半月大約用咗6000蚊,包晒咁多餐同湯(貴價海味補品自己買定),以當時天價豬肉嚟講真係算好抵了

更多分享 follow FB Page: 雲妮手札 https://www.facebook.com/winnie810corner/

秋蓮對坐月媽媽面對嘅大小事都相當了解,初期因身體變化流汗至長期由頭濕到落腳,佢會馬上識指出唔係熱而係身體虛,馬上煲相應湯水調理。自問唔係一個聽話嘅坐月媽媽,初期我花灑沖涼最後淋薑水了事,以致2星期後開始膝頭痛,秋蓮亦有方法扭轉情況,等我唔使痛足一世。

一早希望做人奶媽媽,最擔心無奶更擔心塞奶,秋蓮喺度呢段日子順利幫我通乳腺上奶,除咗食療亦不時幫我按鬆乳房,不足十日已經奶路暢通,仲可以有剩開始儲冰奶。只要佢喺度嘅時間,我就可以安心補眠休息,包包契媽上門探望時,都話我氣息比以前好好多﹗

【包媽孕記】大聲宣布「我懷孕了﹗」佛系孕吐媽媽育成記

【包媽孕記】終於足月了﹗準媽媽孕期十萬樣擔心

BB方面更加係專家級﹗新手父母對住BB不停喊真係相當無助,秋蓮開工後好快調節飲奶瞓覺時間,囝囝出世6磅多啲,到完約已經超過10磅,由V面變成三下巴!!

秋蓮嚟咗十日左右,四大長老都讚不絕口仲出聲叫我請耐啲,最終秋蓮幫忙做到下個媽媽入院為止,前後一個半月時間,

紥肚前按摩亦係一絕!完美舒緩湊B疲勞,每日按摩時我都必定瞓著,起身一刻個胸都會好谷,因為有按埋腋下及背脊乳腺相通穴位,之後嗰餐泵出奶量都多啲!紥肚效果亦相當滿意,腹直肌3指變少於1指,生產後鬆泡泡嘅肚都變回緊緻,目測好似瘦咗56吋咁!精油按摩仲令皮膚滑咗添~

好感恩可以請到秋蓮做我嘅陪月,100%推介﹗

更多分享 follow FB Page: 雲妮手札 https://www.facebook.com/winnie810corner/

順便同大家分享下網上收集整理完嘅陪月面試問題

【包媽孕記】大愛仙氣孕照(同場加映閨密照靚相)

【包媽孕記】QE順產走佬袋懶人包(實戰後清單)

陪月面試問題

1. 陪月經驗(讀過咩課程有無証書?做咗幾多年?湊過幾多個BB?湊早產B/照顧餵人奶媽嘅經驗?多數煮咩餸/煲咩湯?)

2. 工作內容 (陪去健康院?洗奶樽奶泵?手洗BB衫?煮埋家人用餐份量?洗碗/廚房清潔?代煲薑醋?催乳?紥肚?有無証書?使唔使另外收費)

3. 傾清楚價錢(人工?一星期5 /5.5 /6日?每日幾多個鐘?要唔要扣減買餸時間?紅日放假?如果紅日返工(eg初一二三)使唔使雙工?需唔需要額外車費及午饍錢?OT點計數)

 更多分享 follow FB Page: 雲妮手札 https://www.facebook.com/winnie810corner/

4. 開工收工利是?

5. 落訂時間?訂金幾多?開工後出糧日子?

4. 請假問題 (病假?事假?點安排?照推遲完工日子還是搵人替工?)

4. 客與客之間有幾多時間走盞(萬一早産或逾期又未嚟到點處理,前後會唔會搵其他陪月嚟幫手)

5. 提出自己特別要求(例如衛生要求、飲食習慣、家人習性)

6. (touch wood)如果不幸無咗BB點處理?退訂?扣部分手續費?當撻訂?

7. 簽約、落訂作實

如果上門見面問下佢願唔願意煮一餐試菜,俾返錢起碼知啱唔啱口味

大約係呢D~~曾經喺討論區見過,有個媽媽早產2個月,陪月話當佢撻訂,要佢原定日期其中幾日上嚟幫手都唔制,TOUCH WOODD都要問

希望大家都搵到個心水幫得手嘅好陪月﹗

 

其他文章:
【包媽孕記】大聲宣布「我懷孕了﹗」佛系孕吐媽媽育成記
https://wow.esdlife.com/space.php?uid=95319&do=blog&id=398275

【包媽孕記】Baby Shower公布性別 落手落腳籌備BB首個派對
https://wow.esdlife.com/space.php?uid=95319&do=blog&id=401034

【包媽孕記】大愛仙氣孕照(同場加映閨密照靚相)
https://wow.esdlife.com/space.php?uid=95319&do=blog&id=413660

【包媽孕記】伊利沙白醫院QE L block登記方法及第一次產檢流程分享
https://wow.esdlife.com/space.php?uid=95319&do=blog&id=398234

【包媽孕記】QE物理治療部 產前運動班及分娩球班
https://wow.esdlife.com/space.php?uid=95319&do=blog&id=407639

【包媽孕記】QE順產走佬袋懶人包(實戰後清單)
https://wow.esdlife.com/space.php?uid=95319&do=blog&id=414300

【包媽孕記】QE順產27小時全紀錄(上)[極長文慎入]
https://wow.esdlife.com/space.php?uid=95319&do=blog&id=411195

【包媽孕記】QE順產27小時全紀錄(中)[極長文慎入]
https://wow.esdlife.com/space.php?uid=95319&do=blog&id=411193

【包媽孕記】QE 順產27小時全紀錄(下)[產後房&A11私家房]
https://wow.esdlife.com/space.php?uid=95319&do=blog&id=414082

【包媽孕記】包包首次做主角!百日宴派對好主意
https://wow.esdlife.com/space.php?uid=95319&do=blog&id=420246

【包媽孕記】Ep. 135 --- 環保尿布滿足3大願望 - 減廢慳錢防敏感(附清洗小TIPS
https://wow.esdlife.com/space.php?uid=95319&do=blog&id=424577

如果有任何問題,歡迎隨時到FB Page雲妮手札留言 =)

************************************************

包媽雲妮有多重身份:新手媽媽,娛樂小編,主播,活動主持……
BabyKingdom
駐場Blogger
邀稿出席/主持活動試用試玩
歡迎inbox FB PAGE雲妮手札 聯絡

更多分享 follow
Instagram : Winnie810hung
FB Page:
雲妮手札
 https://www.facebook.com/winnie810corner/

545 次閱讀 | 2 個評論
Facebook WOW Google+ Weibo Mail
當前第 12 個 | 共 165 個BLOG      上一個 | 下一個

留下足跡

評論


您需要先登入才能繼續本操作