上回講到擇日, 解決左。而家到擺酒的地方。 夜晚晏就？夜晚晏就？夜晚晏就？ 我2主張簡單, 所以搞lunch buffet 只不過, 要過到4大長老的確唔易.. 引用Marketing的4個P - Place, Price, Product, Promotion 去邊到擺, 價錢, 食D乜野, 有咩優惠 Place - 唔可以去太偏遠既地方, 去D集中D既地方, 因為2邊親戚朋友分佈18區

其實我同我男人都主張簡單, 唔會大搞, 亦唔想大搞, 最好咩都唔好搞。 雖然話人生只得一次, 之但係擺酒呢家野真係浪費金錢又浪費勞力嘛⋯⋯ 根本就係一場show...比廿幾三十萬既show.... 搞得唔好又比人唱成世, 做得好又要洗好多錢...荷包乾硬化了 D錢我真係寧願用哂裝修到, 起碼唔係一陣風無左嘛⋯⋯ 奈何大家都係獨仔

唔....第一次寫Blog, 各位多多指教～ 上年5月plan左結婚... 就開始擇日呀, 睇酒席呀, etc..... 知道自己男人都唔會搞浪漫野, 所以我都唔期望會有驚喜出現~ 但估唔到都有花同鑽戒 真係估你唔到！！！*3* 雖然唔係一大紮玫瑰, 但保鮮花可以keep幾年, 我自己本身都好鍾意呢類既花 (可以睇耐D ma~~ )