蝦蟹炒飯 (蝦11)
paullung 2009-07-05 22:06
蝦蟹炒飯，梗係有蝦有蟹啦！ 海中蝦出水起肉切粒！ 肉蟹清蒸再洗淨起肉！ 咁就有一盆蝦蟹肉喇！ 加埋瑤柱絲，蝦蟹肉，生抽，炒成呢個蝦蟹炒飯！
首本菜2 - 花甲螺片粥
paullung 2009-07-05 21:44
呢個花甲螺片粥真係誠意推介，都算得上係我嘅第二款心水菜， 我會買五至六斤十花甲，因為其實煮起都唔會好多肉， 先用大鑊煮，煮到出晒味，關火，等，係等， 慢慢攞出啲花甲肉，殼唔要，啲水等一陣， 只係要面個三份二，底個啲可能有少少沙，唔要。 大螺片出水，再過冷河。 加埋啲花甲水煲個粥底，加埋啲螺
老少平安﹣蝦版 (蝦10)
paullung 2009-07-05 21:30
一般造"老少平安"都係用魚肉，今次我試用蝦肉，將蝦起肉打成膠。 之後加落豆腐，加楜椒粉、糖、少少雞粉、麻油。 搞掂攞去蒸十五分鐘，加少少生抽就OK啦！
某一早上，大灰對我準備帶番公司嘅飯盒好有興趣咁.....no way!!!!
送酒小食 - XO醬螺片
paullung 2009-07-05 13:31
好多人都會用呢種螺頭煲湯，原來，可以做送酒小食架！ 先洗得佢地白白淨淨！ 切片，準備啲瑤柱絲。 將啲螺片出水，係呀，會有好多泡架！包轉水唔要架！ 再用水洗淨！ 放入薑片同水再煮過！ 加入瑤柱絲一齊煮！ 煮至收乾水咁上下，加入XO醬同豆粉水做一做個汁！ 呢味送酒一流！ 同
如果，你鐘意食魚頭，呢個做法，你要試下喇， 如果，你只係怕魚頭啲，呢個做法，你會肯食魚頭。 先買新鮮大魚頭，切開小片。 調味料有：味菜蓉、辣椒蓉、蒜蓉、薑蓉、莞茜蓉.... 魚頭乾身後，放入上述材料，加上豆粉、糖、豆鼓醬、麻油、楜椒粉... 再加少少米酒，香啲！ 搞好佢，等佢入味！ 等咗
另外呢幾個唔記得影step by step, 有上面呢個清炒蝦仁(用咗海蝦，買唔到河蝦...) 下面呢個茄汁蝦，用小海蝦，當時休魚期，買唔到大蝦，又唔想用雪蝦， 豉油皇煎大蝦！ 芝士牛油蝦仁炒蛋！今日就差唔多喇，下次不如講下一其他煮材？！ 重有重有，一個蝦仁公仔麵，哈！
呢款係茶薰蝦，做法比較多少少。 因為隻蝦較大隻，成十一、二吋長，我先蒸熟佢地先！ 熟咗得番六吋！哈！ 我加啲柚子蜜上去，再去燒一燒！ 準備好，用鑊，放上鍚紙，加上糖，茶葉(香片) 開火燒紅，放入蝦蓋上，等約三至五分鐘。 金黃色嘅茶薰蝦！
話梅花雕蝦 (蝦3)
paullung 2009-07-05 02:12
話梅花雕蝦，買支靚花雕，話梅(你可以要求高啲，買靚話梅)。 先用少少油爆香啲蝦，加少少薑片。 加上花雕、話梅、糖、水一齊煮。 蝦熟，汁收乾少少就得，好簡單！ update, 其實用蒸嘅方法都一樣有趣架，咁樣啲蝦肉會更有"口感"!
呢款係西檸蝦球，同係酸，但就味道清新啲！ 大蝦有一個起肉方法，係肚度剪開，就好容易起咗成隻肉出嚟！ 背部係蝦膏嚟，唔係"Bee"嚟架！ 今用少少少糖，麻油加豆粉就OK架啦！ 唔想浪費，用小小鑊走油！ 大檸檬一個，將皮整碎，好碎個隻，肉做個汁。 檸汁，糖，少少雞粉，水，(後來我諗
「優質婚禮商戶」計劃 
