YUKIPhillia
新婚同學
您認識YUKIPhillia嗎? 認識或者想成為新朋友,立即可以加為「好友」,第一時間知道YUKIPhillia的最新動態。
把YUKIPhillia加為好友

  • BLOG
  • 相簿
  • 新婚檔案
YUKIPhillia

https://wow.esdlife.com/space.php?uid=112962

已有 14920 人次訪問, 286個積分

已有 1 篇婚享同學會貼堂好Blog

全部 個人動態

  • YUKIPhillia 發表了新BLOG 4日前
    [PC - Chapter 11] 美白牙齒得唔得?活性美白碳粉試用!!!
    Hello, 又係我啦!! 之前我一直都好想去做藍光美白牙齒療程, 不過因為箍緊牙, 牙醫就唔建議未箍完就去做, 所以打消左個念頭! 直到收到Easywhite嘅美白碳粉試用邀請, 咁我就即管試一試啦!!
      
      
    用法其實唔算難, 只係用牙刷沾上牙粉當牙膏咁用就得, 即係咁:

      
    不過要用得小心啲, 睇到幅相都知道啲粉會彈到周圍都係, 雖然用濕布抺下都會乾淨返晒, 但每次用完都要抺乾淨地方, 都有少少麻煩!!!
    我見呢到啲b2b都話倒少少落牙膏撈埋一齊刷, 都真係方便好多, 我自己就會先用牙粉刷左先, 之後再用牙膏刷一次(增加麻煩度lol但我都試真啲啲), 所以早晚都用多左時間刷牙!!!
    我大大話話都用左成個月, 刷完之後真係望落白左啲, 但又唔覺得有其他人分享講到咁神奇, 我諗用佢黎刷牙之外自己都要有紀律地飲少啲茶呀咖啡之類嘅易染色物, 加埋定期去牙醫到洗下牙, 咁白白牙齒相信離大家不遠啦!!!
    希望呢篇blog可以幫到妳啦:D
  • YUKIPhillia 上傳了新圖片 4日前
    手機上載
    共 1 張圖片
  • YUKIPhillia 上傳了新圖片 4日前
    手機上載
    共 1 張圖片
  • YUKIPhillia 上傳了新圖片 4日前
    手機上載
    共 1 張圖片
  • YUKIPhillia 評論了 nastiasyi 的BLOG CH3👰🏻淘寶新娘 12日前
  • YUKIPhillia 發表了新BLOG 14日前
    [PC - Chapter 10] 貪得意睇場記
    Hello, 又係我啦!! 話說我同 C 先生係未睇過場之下已經揀左婚宴場地(至於點解就遲啲再同大家分享 lol) 一直見呢到嘅新娘經睇場都心思思想去睇下, 所以之前見到 Cordis Hotel 嘅開放日我都報左名去睇下:P 滿足下自己睇場嘅心願之餘又可以同大家 share 下:)
     當日我地睇左四個場, 分別係位於 7 樓嘅 The Ballroom, 8 樓嘅上海廳 同 山東廳同埋位於 42 樓嘅 Star Room!

    一去到就見到佢地嘅 reception table, 好似佢咁嘅 deco 真係好靚 (不過帶我地嘅職員就再三提醒係搵外面 deco 公司做, 佢地係唔包啲枱花, 只提供 1.枱 2.櫈 3.枱布 4. 油畫架, b2b 就要留意啦)! Reception table 隔離仲有一幅 LED MON 俾新人播片, 好讓客人一入場時就可以睇到屬於新人嘅點滴, 都幾特別幾唔錯!!

    首先就去左 The Ballroom 先, 佢最多可以擺 35 圍, 佢分左一個主廳同外廳, 兩邊都係用 LED MON 做 backdrop, 佢地有不同嘅 backdrop sample 比客人選擇, 客人亦可以自己設計獨一無二嘅 backdrop 比佢地, 而主廳都可以擺到 20-24 圍, 樓底有成 23 呎高, 長身廳無柱亦無死角位, 入到去都覺得好靚好寬敞, 亦有獨立新娘房, 仲連埋獨立洗手間添!! 不過新娘房感覺就細左啲啲:P 去相先
      

     呢個就係主廳啦, 樓底真係好高, 場地都好 grand, 個場好新淨, 當日佢地放左 20 圍, 我個人覺得 20 圍感覺剛好!! 唔會太擠逼, 到敬酒嘅時候都可以鬆動D!!
       
    呢個位就屬於 The Ballroom 嘅外廳部分, 當日間開左黎俾新人睇! 呢邊又真係唔睇得少, 雖然樓底矮少少, 只有 9呎高, 但佢都可以擺到 8 圍, 仲有幾扇窗添,令到個空間感擴闊左, 感覺開揚左!!
      

     The Ballroom 仲有個飲品 Bar, 到時席前賓客都可以去拎下野飲, 附近嘅位置都足夠賓客拎住杯野飲去 social 下、傾下計, 都幾 chill :P

      

     除左野飲外, 佢連 Candy Corner 都有, 好似係加$2000 就可以有得俾賓客夾糖食, setting 會同呢個大同小異 :)

      

     
      
    呢個就係新娘房, 係細少少不過都會好夠用!!有獨立洗手間, 衫架, 燙衫板同蒸氣 steamer, 都算唔錯呀!!

     

     

    之後職員就帶我地上 8 樓, 7 樓上 8 樓有條旋轉樓梯, 我問過職員如果唔阻礙到 8 樓嘅客人係可以係果到影相架, 相信果個位都可以成為賓客嘅打卡位 :P

     

     

    而位於 8 樓嘅有兩個廳 – 山東廳 同埋 上海廳 , 佢地分別可以擺到 8 同 15 圍,職員話由於上海廳係無獨立嘅新娘房, 所以唔少客人都會 book 埋山東廳去做新娘+麻雀房!! 佢亦會提供埋梳妝台, 全身鏡等設置俾 B2B!!

    不過呢到嘅樓底就無 Ballroom 咁高, 問番職員就話只有 9 呎高, 但勝在細細間,適合圍數唔多, 又渴望包到場嘅 B2B!

      呢個係上海廳, 一樣無柱架!!!

      

     佢地嘅主家席 table setting!! 餐具都有以水晶擺設為主, 配合主人家當晚嘅身份!!

      

     同 The Ballroom 一樣, 佢係 LED Mon 做 backdrop, 提高左個玩味性同獨特性!! (留意返, 台上啲花嘅擺設係唔包嘅)
      

       
    呢到喺可以擺到 8 圍嘅山東廳全景照

     

     

    最後就上埋最高嘅 Star Room 睇埋, 位於 42 樓, 上到去一出𨋢就有 reception table同埋有兩個 mon 係後面播相, 亦有油畫架 (不過我無乜影相, 因為當日有人結婚setup 緊我就唔好意思影相啦), 呢到可以擺到 20 圍, 亦有獨立新娘房同麻雀房, 為 B2B 同賓客都帶來方便。可能位於高樓層, 場地令人感覺好開揚, 望出去景觀好靚好舒服, 相信夜晚飲宴時望出去一定比想像更靚!!!
       

    Star Room 就唔係用 LED MON 做 Backdrop, 佢係用圖中傳統嘅 backdrop 板俾新人做 deco!! 照職員嘅介紹, 佢地會提供金色嘅英文字比客人釘上去, 不過我諗 Book 得嘅話都係自己搵 deco 公司整個靚靚 backdrop 會好啲 lol偷偷地望到當日嘅新人都係搵 outside deco 公司整 foamboard backdrop, 睇黎哩個應該都係租 Star Room 場地嘅必整 item :P

     

       

    佢係 L 形場地, 呢邊好開揚, 可以望到外面嘅夜景添呀!
      

     呢個位於台右側嘅 L 位, 不過都一樣睇到台! 唔駛太擔心!!!

     

     

    至於價錢方面, 菜單都係由$10,888 起! 話哂都係地鐵站上面, 朗豪坊隔離, 以佢嘅地理位置, 環境同基本裝飾, 我都覺得幾合理, 有興趣嘅 B2B 都可以去睇下!!!

     

     

    希望今次篇 Blog 可以幫到搵緊場地嘅你啦:)

全部 相簿

全部 BLOG

所有留言 留言板

  • Yinyi0101 1月前
    HI!間Salon 係尖沙咀,我可以比Steven 聯絡資料比你,你可以直接Whatsapp 佢,希望幫到你啦!
    Steven Chow 63336475