《室內PW下集》令我飄浮得很美的化妝師
上回講到，超有heart嘅攝影師Anson幫我同大口仔影咗輯集韓風同型格於一身嘅PW！！！
自己睇️️

http://wow.esdlife.com/space.php?uid=121773&do=blog&id=352894

終於！等到頸紋都多咗三條，我收到第二批相啦！係充滿創意嘅飄浮同微型婚照，記得Anson當日喺現場親身教我哋點樣擺Pose，仲成日講笑令我哋放鬆，雖然影嗰時我不停趷腳有啲攰（原諒奇異老妹30年無做過運動，近期先跑下步），但出嚟效果真係好特別好靚呀！話哂我係婚照達人（以量取勝），點都要玩下新野

嗱嗱嗱，睇相最實際！ 

Anson話我哋兩個奔向一個靜止嘅時鐘，代表愛是永恆，無時間限制️

 

香港都有微型婚攝！  
 So cute!! 
呢個cafe景係Anson一手一腳打造！  

一輯相要影得靚，攝影師重要之外，化妝師更加係超級重要！試問如果個頭一pat野，個妝一舊野，神仙都難影得靚啦所以，呢次PW嘅化妝師Kathy真係功不可沒！話說我join咗呢次PW，先知今次佢哋合作MUA係Kathy，當初我都本住化得正正常常咪得囉，但上天係錫我嘅Kathy唔單止技術好，係連人品都好好！

話說過咗青春期N年嘅我仲經常漏M整污糟啲裙同褲️️️記得影嗰日，我嚟M第二日，咁當然個樣好腫，又成日好驚整污糟啲衫，但Kathy唔單止化到我冇口腫面腫，仲keep住幫我手換衫裙，當我發現自己有少少整污糟條打底褲時， Kathy都冇露出「咦！咁污糟架！」嘅表情，反而繼續幫我手換裙，全程笑笑口，studio包嗰條婚紗都係佢幫我揀㗎因爲實不相瞞，studio可揀嘅婚紗款式唔多，Kathy唔單止老實話我知，仲話已經幫我揀咗條最靚嘅我自己都帶咗兩套便服，所以Kathy total幫我換咗三個造型，佢鬢辮好叻，化妝就個底打得好薄好透，而且遮我黑眼圈都有一手！

其實我已經一早book咗big day MUA，但影PW令我認識到唔同MUA，我發現其實好多香港MUA整頭髮方面真係好叻，我覺得好過韓國，妝方面就個個不同風格，無話邊個最靚，只有最適合自己，所以Kathy我喺技術同人品方面都十分推介！

好啦！依家睇下Kathy幫我整嘅三個造型啦！
1.婚紗造型—誇張髮飾打造復古感覺 
  
 2.輕婚紗造型—辮子打造活潑感覺 

無論360度睇，都充滿層次！

 
  
3.便服造型—微捲頭髮打造溫婉氣質

 
  
 

你又最鍾意邊個look呢？️ 

    

手機上載
共 1 張圖片

手機上載
共 1 張圖片

手機上載
共 1 張圖片

手機上載
共 1 張圖片

手機上載
共 1 張圖片

手機上載
共 1 張圖片

手機上載
共 1 張圖片

手機上載
共 1 張圖片

手機上載
共 1 張圖片