Minami_wing
人氣同學
您認識Minami_wing嗎? 認識或者想成為新朋友,立即可以加為「好友」,第一時間知道Minami_wing的最新動態。
把Minami_wing加為好友

  • BLOG
  • 相簿
  • 話題
  • 新婚檔案
Minami_wing

https://wow.esdlife.com/Minami_wing

已有 30494 人次訪問, 740個積分

已有 2 篇婚享同學會貼堂好Blog

全部 個人動態

  • Minami_wing 發表了新BLOG 18小時前
    不一樣的boudoir 🦢

    我未結婚前都係睇呢度先知有boudoir呢樣野,一聽影boudoir就係book間酒店/studio,著住黑色/白色內衣/婚紗/頭紗,拎個花球,更揼本既仲會搵deco公司佈置得好靚,有時會整個粉紅色泡泡浴,好唯美既小清新感覺。

    其實我都覺得好靚好鐘意呢種小清新風格,只係我prewedding + big day都已經揀左呢個風格既攝影師,就想試下另一個風格。

    搵攝影師前我都做多好多資料搜集,差唔多睇哂呢度啲boudoir review blog先搵到佢。影呢個風格既女攝影師唔多,我諗一出相大家都估到係邊位。攝影師多材多藝,本身係化妝師,化而優則拍,我都係近排睇呢度有人推介呢位mua先知佢有化妝,因為當日唔係佢幫我化。

    之後就諗下係邊度影。又要多謝呢度另一位b2b既啟發,見到原來outdoor boudoir都可以好靚我自己本身一向都覺得影室外靚好多,prewedding 都只影外景冇影過studio,加上上回講到我想影跳舞相,係外景影先夠特別。

    為左襯返天鵝湖既衫,特登揀左有「湖」既迪欣湖。呢個地方比人感覺同迪士尼有關,係一家大細既野餐好去處。為免假日咁多人野餐眼望望,我刻意揀左平日黎影。

    迪欣湖係陽光普照既時候的確好靚,但我呢個天氣黑仔王就係每次影相都冇太陽連今次影相既期都因上年夏天太多雨,之後因腳傷,結婚又忙而改到婚後先影。在此要多謝攝影師等我咁耐都冇加我價,非常君真

    雖然全日都陰天但我反而覺得呢種天氣同攝影師既風格/ 天鵝湖既主題更加夾。

    我3套衫入面影得最多係跳舞果2條裙,因為我呢啲業餘人士實在係要take n次先影到張滿意既。又要多謝攝影師咁有耐性陪我試到啱,化妝師都好好做埋助手,拎住張reference提我啲動作企位要點等等,冇左佢唔知點算

    係度又要講下化妝師,佢都化得幾好又快手,除左冇黐雙眼皮膠紙,加埋整頭佢都係化左2個鐘左右,真人睇個妝其實好靚,影相黎講我覺得可以再濃啲。但我真係好鐘意佢整果個髻我只係話想個髺大啲同比張圖佢睇左2秒,佢就完全想知我要咩。最衰啱啱整好果陣我冇影低,返到屋企先影個吹到亂哂既頭,費事貼出黎我返到去都好唔捨得拆,整過幾次頭都未試過有呢個感覺

    影跳舞相除左要顧住動作之外仲要顧埋風向,因為我果條Leanne Marshall 裙擺太大,當日又大風,冇錯飄得好係好靚,但一大力揚得唔好係會拿埋一舊什至會露底,所以影呢條裙既難度係9粒星,影得最耐最多,少啲耐性都唔得。但影到幾張真係飄得好靚,不枉我一擲數千金買佢返黎

    當日就算係平日都出奇地多人,就算得我一個影又唔係著婚紗,啲小朋友都仲會話我影緊婚紗相,仲係咁讚好靚我老公都有跟去幫我拎野,事後先同我講話以為有個變態佬一路影我,後來先知原來佢影比個女睇,跟住個小妹妹仲跟住跳。我果刻真係又開心又覺得好失禮我跳得咁差簡直係錯誤示範

    黑天鵝果套衫,我地都刻意揀返果個天空之鏡既位,就係因為呢個倒影位我先揀呢度。影出黎效果都好好,倒影仲靚過真人請無視我對又短又粗既腿。

    內衣果套雖然影得最少時間但係我最滿意既一輯。唔好誤會絕對唔關攝影師事,係我自己啲跳舞動作有好多做得唔夠好。著內衣就只係聽攝影師指示做就得,又唔使理啲風點吹,所以大家都好輕鬆咁完成左最後一輯,影到7點迪欣湖閂門我地先走。

    件睡袍同啲石好襯,就咁睇似浪花,好似個人比啲浪沖左上岸咁

    你可能會話乜我咁大膽著內衣都可以出外景影,咁其實呢堆石係我地走左出圍欄既地方,正常人唔會刻意行出去。

    我唔係模特兒唔識擺pose都唔識影相,冇乜貼士比到大家唯一我覺得影boudoir一句講哂就係要豁出去,最緊要投入同相信攝影師,當你投入果陣其實側邊有咩人望你講啲乜,都會睇唔到聽唔到,只係專注係自己動作同攝影師指示上,所以其實唔會尷尬當然唔係比人圍觀果種啦,如果係都影得唔自在,但著得咁奇特有人望兩眼就實有架喇,影prewedding 咪都係咁,大部分都係讚靚既聽完都開心啲啦,當自己影緊廣告相就得

    我知呢個風格唔係主流,唔係個個都鐘意,但如果你鐘意呢個風格的話,我真心推介呢位攝影師,又好人又有耐性,我明明跳得好差都仲讚好靚希望大家都鼓起勇氣趁年輕都影返輯有你自己style既boudoir

  • Minami_wing 評論了 Maymay2018 的BLOG 點解整唔倒相既? 2日前
  • Minami_wing 評論了 L-2 的BLOG 徵佈置花 5日前
  • Minami_wing 發表了新BLOG 5日前
    工廈Rustic style場地介紹Part 1

    雖然已經完婚,但身邊都有朋友準備結婚都會幫手睇下場。戴定頭盔先,我係真心鐘意呢個場,冇幫人賣廣告架。


    去工廈試婚紗,試妝,影studio相就聽得多,有冇諗過工廈入面都可以搞婚禮?上星期我就去左個wedding fair,集齊幾個唔同既單位,有場地,婚紗,婚戒,場地佈置。



    1. 場地


    其實呢度本身係一半餐廳,一半賣傢私,風格係我最愛既rustic+工業風,帶日式風格之前佢未擺wedding fair果陣我已經一睇就好鐘意,而家加埋啲鮮花佈置仲靚


    呢個成萬尺又咁四正既場可以擺100-120人,因為美中不足有好多柱,所以都係擺長枱為主,但大部分位置都睇到backdrop。擺枱既位置本身係擺陳列櫃,有婚宴就會移走。



    旁邊賣既傢私都係日本手造品牌為主,好多胡桃木傢私超級靚,完全係我dream house既style。另外都有啲手造陶瓷/玻璃食具/文具,聽到「日本」同「手造」都知一定唔平,行過拎起都驚整爛,但欣賞下都好開心




    但最開心係呢啲咁靚既傢私竟然係可以係婚禮度免費租用!當我同負責人傾開睇多啲相果陣,覺得下面呢個佈置好靚,以為係個客出面比錢整,原來個屏風就係呢度借既。



    講真就算唔用就咁擺係度都夠靚,我冇聽錯係大部分傢私都可以借用黎做deco,配合其他佈置。諗下用是但一張枱黎做證婚枱/登記枱,真係靚到連枱布都唔使鋪🤤

    食物方面就以buffet為主,可以揀午宴/晚宴/cocktail,個菜單都好多選擇,都係每人$5xx-6xx。我當日就係餐廳部分食左個set lunch,味道係出奇地超好食


    跟據佢既wedding package leaflet,仲有人幫你做埋少少weddings planning, 負責座位編排、燈光、音響管理等等。仲可以加錢訂埋佢地既結婚蛋糕,好唔好食就唔知,不過就係好靚。


    2. 婚紗

    當日既婚紗合作單位都係日本品牌為主,款式好特別出面好少見。唔係平時係日本ig成日見到既公主式ball gown,佢係蓬鬆得黎好有structure而帶點型格果種。租既價錢大約$7000-11000一條,係有性格既價錢都有兼賣少少乾花飾物,都好特別



    3. 婚戒

    呢個合作單位都係我好欣賞既一個品牌,連婚戒都有rustic style見到啲戒指連對婚禮細節冷感既老公都話:「好靚,早知買呢個牌子啦」




    呢個日本品牌由上面既婚紗店獨家代理,主打手造戒指,一系列用槌仔一下下揼成有質感既表面,粗幼刻字等全部都可以訂造。

    4. 場地佈置


    呢間花店鮮花/乾花都有做,當日係鮮花拱門都做得好靚。見到個welcome board 上面紮乾花即刻諗起日式welcome board


    花店同場地都有合作開搞婚禮,自然對場地邊度應該擺咩駕輕就熟,同場地同時訂仲有優惠。


    因為實在好鐘意呢個場,所以我特登拎左rate card package同啲單張想介紹比大家。免得呢篇變廣告,想知以上所有vendor就pm我啦


  • Minami_wing 上傳了新圖片 6日前
    手機上載
    共 679 張圖片
  • Minami_wing 評論了 PamM2017 的BLOG First dance 💃🏼 體驗 14日前

新婚檔案

我們的大喜日子 : 2018-12-30

全部 相簿

全部 BLOG

小圈子

新婚圈子 婚後賣物會 2.0

所有留言 留言板

  • Yeahmama 1月前
    我想請問個 真嗰個 wedding cake 幾錢 / 邊間 cake 公司?  thanks~~
  • slovet 2018-01-17 14:37
    Hi sis, can you share more venue details, Thanks!
  • CheCC 2017-06-18 21:40
    Minami_wing: May i have the link of your blog "淘淘大神執相篇一分錢一分貨"please? thanks!
    Pm咗你喇