【不經不覺16年】紀念日要浪漫一下！
  


還記得第一次見到呢個到男仔，著格仔恤衫梳個蛋撻頭，心唸邊有人咁著衫架！一定係書蟲，我一定唔會鐘意佢，一定…
緣份的安排就係咁奇妙，上面講的就係Timtam仔爸爸，不經不覺我地拍拖已經有16年（冇錯我地係幼稚園識嘅！）今個月更係我地拍拖週年紀念（冇錯16年都仲記得！）真係唔數過都唔相信時間真係過得咁快！
大家都知紀念日通常男方都比較善忘！今年 #結婚紀念日 係平日，我好記得係星期四，星期一時我whatsapp老公，不如星期四去呢間餐廳食飯，佢回覆：好！不過點解星期四食？
好明顯佢唔記得左！
終於到 #拍拖紀念日，佢終於識補飛！帶左我去呢間餐廳食飯！事前佢冇同我講，所以我都唔知食咩的情況下，反而有連番驚喜！好想推介比大家！

  
原來呢間 Casa Pennington 出名係食 #生蠔！我同老公都好鐘意食生蠔，每次每人都可以食一打！可惜現正懷孕中，我無得食老公話生蠔真係好新鮮，我知我睇到，無奈要忍口，好彩湯終於送上，係 #黑松露野菌湯！芳香的黑松露係我至愛，加上香脆蒜蓉包，絕配！

  
主菜點左呢間餐廳signature dish, #意大利鴨肝炒意粉！餐廳主管話我地識食，呢個係佢地餐廳咁多年黎的 #招牌菜式！講真呢，係老公佢鐘意食鴨肝，我其實就麻麻的！不過經餐廳主管一講，又抱住試一試的心態，點知一食就明白點解咁多年都仲能夠成為招牌菜！鴨肝好肥美，甘香油脂佈滿全碟意粉，意粉炒得好夠火喉，分量兩人share食剛剛好不會太油膩，宜家一路打字我一路都回味緊！大家一定要試！

  
最後，我最期待的 #甜品，餐廳主管將甜品送上來時真係好大驚喜！原來碟上咁靚的圖案係出自佢手畫，佢話其實自己本身係個畫家黎！真係畫功了得！講返個甜品，其實我已經飽，唸住食少少試下就算，但個 #梨撻 實在太好味！梨鮮甜多汁，撻底又香脆可口，實在忍不住口！

  
捧住一個美味又甜蜜的回憶離開！望一望身邊呢個男人，16年的日子，除左令佢身上多左幾十磅脂肪、眼尾多左幾條魚尾紋外，回望一起走過的路還真不少！再過16年佢會變成咩樣呢？不過我相信無論再過幾多年，我都仍會記得佢那個著住格仔恤衫、梳個蛋撻頭的樣子，那將會成為我跟Timtam仔、妹妹還有我d孫，想當年的經典笑話！

手機上載
共 1 張圖片

手機上載
共 1 張圖片

手機上載
共 1 張圖片

手機上載
共 1 張圖片

手機上載
共 1 張圖片

【國際幼兒園初體驗】培養小朋友學習興趣好重要！
  

我有個親戚，佢仔仔我由細睇到佢大，DSE英文拎5** , 最後以高分入讀中文大學！
親戚家庭沒有高學歷、沒有很富裕的背景、也從不催谷小朋友讀書，只要求佢地有良好品格，仔仔在學術成續上得到佳績，除了本身有點聰慧之外，有一個非常重要的因素驅使他願意花更多時間去學習！
小學時期他已經自己開收音機聽英文台，睇電視要媽媽睇明珠台，我問點解你咁鐘意學英文？
「我覺得學英文好好玩！」
他的回答令我印象非常深刻！一件事覺得好玩，自然就會不斷想去學，不用迫不用鬧，更會用課餘時間去學！
我再追溯他幼兒時期，他爸爸好鐘意車，係街上見到任內車款都會逐一教他車款的英文名，睇車書又會逐一教佢，我好記得他大約幼稚園時期，係街上隨便點一架車，他都可以說出車的英文牌子名！
也許他對英文的愛好，就是從此慢慢伸延開來！
到現在我教Timtam仔，我都希望讓他覺得學習係一件好玩的事！語文是所有知識的根本來源，所以我希望Timtam仔都可以好似親戚的仔仔咁，愛上學習！

  
前一排好開心有機會參加 Grace Garden International 的open day! Grace Garden的導師全部都是外籍老師，講流利英語!

  
當日除左讓Timtam仔有機會以英語的環境去上playgroup之外，我發現國際學校的教學方法有明顯分別，他們多以唱歌、玩感觀活動、Messy play為主，較少時間要小朋友坐定定上堂，大半堂小朋友都可以自由活動，選擇自己想玩的活動，讓小朋友從遊玩中學習，是我非常欣賞的！

  
Timtam仔同其他小朋友都玩得好投入，大家去片睇下!

Timtam仔係Grace Garden試堂影片
宜家Grace Garden有 #免費試堂，如果大家有興趣可以到以下查詢：

Grace Garden International Kindergarten & Nursery

Tiu Keng Leng Campus: 3547-1338

Lei King Wan Campus: 2702-9778

Website: https://www.gracegarden.edu.hk/

Email: enquiry@gracegarden.edu.hk

 #GraceGardenInternational #幼兒園 #教育 #早期基礎階段 #遊戲的學習 #兒童學習 #International #kindergarten #nursery #EYFS #playgroup #freetrialclasses #preschool #bilingual #language #fun #play #HK #hongkong #littlepopstarchannel #POPSTAR #星光博客 #PopStarGlobal #試堂 #popstarevent2019 #Timtam仔的成長日誌

手機上載
共 1 張圖片

手機上載
共 1 張圖片

手機上載
共 1 張圖片