bellajunjun
人氣同學
您認識bellajunjun嗎? 認識或者想成為新朋友,立即可以加為「好友」,第一時間知道bellajunjun的最新動態。
把bellajunjun加為好友

  • BLOG
  • 相簿
  • ?啣?瑼?
bellajunjun

https://wow.esdlife.com/space.php?uid=149131

已有 10345 人次訪問, 313個積分

已有 2 篇婚享同學會貼堂好Blog

全部 個人動態

  • bellajunjun 發表了新BLOG 2小時前
    wwjnbd#16 婚禮必備搶鏡結婚公仔🧸

    之前一直都同大家分享婚紗西裝嘅部份宜家搞得七七八八,就開始搵婚禮上嘅其他items


    本身對結婚公仔興趣唔大,諗住花車都係用花環加木牌就算,但點知有一次係ig睇到啲中式結婚公仔,我立即心心眼同男友商量後,就決定去訂製啦


    (一)預約

    可以係ig預約時間上去,睇下著左婚紗/褂嘅整成品,或者原版未換衫嘅現貨公仔🧸


    (二)地點

    觀塘人氣工廈入面🤣好易搵到,去開試婚紗可以一次過搞埋


    (三)製作流程🪡

    上到店舖,可以揀自己喜歡嘅公仔/自備公仔之後,就可以決定中式/西式我地當然揀中式啦揀中式的話,新娘公仔可以加錢變褂后同加金豬牌,但係鳳冠霞帔嘅款式就係隨機‍♀️新郎嘅馬褂就可以揀上身顏色,好似有黑,金,銀色🤵‍♂️如果想連埋車花、或是手花、簽名筆都係公仔,佢地都有做埋架


    製作時間大約三個月左右,完成後就會收到收貨通知,就可以取貨啦成個過程都好順暢,之前上去實體店,店主都好有耐性同我介紹,而且交貨好準時,值得一讚


    (四)公仔質素🤵‍♂️

    收到公仔個一刻,真係覺得好得意🤩兩個公仔嘅衫都整得好細緻,而且加左金豬牌真係升level十倍,可愛到爆️大力推薦一定要加金豬牌


    (五)價錢

    手工製價錢一定貴少少,價錢會視乎公仔款式而定,我呢個款就$9xx左右(畢業公仔整袍一個都$4xx,我覺得整一對中式公仔,價錢真係好合理🤣)當然自己帶公仔淨整衫,就會平更多


    (六)小建議

    1.之前做過姊妹,發現花車係岀門時真係成日上鏡,所以車頭裝飾真係好重要,花費少少都值得


    2.小店可以幫手整埋車花,但我預算有限,所以就係二手新娘gp到買左一個,$200就搞掂🥰不過記得車花要襯番岀門花球同公仔嘅顏色,咁樣到時影岀黎啲相就會統一好多

    3.其實結婚公仔唔一定淨係用係花車裝飾上仲可以用係pre wedding、過大禮、接待處/相簿區、新居等,所以一物可以多用

    如果想了解更多呢間小店嘅資料,可以留言,我再pm大家‍♀️

    有興趣可以睇埋我其他嘅分享,我會繼續share籌備婚禮中嘅點點滴滴


    wwjnbd婚禮文章統整目錄


  • bellajunjun 發表了新BLOG 6日前
    wwjnbd#15 正統新郎燕尾服試身新體驗

    有留意開我嘅「婚紗禮服試身之旅」就知道我試左七間嘅婚紗鋪男友都係當中試左三次西裝,發現原來燕尾服都幾正🤤(有興趣可以睇番油尖旺篇#1;荔枝角篇#2;葵興篇#1)所以,之後就愈試愈有要求,想睇多幾間專造燕尾服嘅西裝店所以,我地襯假期就展開左「新郎禮服試身之旅」🕺點知,旅程一日就搞掂左🤣(男仔果然鐘意速戰速決)


    我地係一日內一口氣試左兩間,試完兩間後男友都好心動前者服務態度好,價錢又超抵,$1000都唔駛就租到一套燕尾服連所有配件,岩哂我地呢啲小資新人(有興趣我都可以pm埋大家

    不過,男友最後都係揀左接下來介紹嘅呢間🤵‍♂️雖然價錢貴啲,但係成個體驗都令我地好難忘,好似上左一堂正統燕尾服課堂

    (一)預約試身

    都係fb/ig預約,試身時間大約一小時,可以免費試2-3款


    (二)地點

    尖沙咀The one 向上行,位於婚紗街,交通方便,又易搵到


    (三)試身過程

    試身環境十分舒服,地方寬敞,而且充滿時尚感一入到去設計師connie先俾ipad我地了解禮服資料,有別於一般西裝店只用ipad睇款咁簡單,裏面其實係一本catalogue介紹佢地嘅設計

    connie亦好用心介紹唔同禮服嘅用途同著法透過佢嘅介紹我地先知原來係唔同時間、場合穿著嘅燕尾服款式都各有唔同,真係令我地長了不少知識跟住Connie會根據我地big day嘅詳情,例如:場地、時間、用途、件數等,再觀察男士身型,為我地準備適合嘅禮服及package‍♀️


    之後,另一位男同事Kelvin會準備埋禮服恤衫同黑皮鞋,再進行一對一嘅試穿,男友全程企係到就得 Connie亦會從旁介紹cutting同用料成個過程係令你有賓至如歸嘅五星級服務🤣🤣


    (四)男禮質素🤵‍♂️

    雖然款式唔似其他婚紗店/西裝店咁多花樣,但每一套都有特定嘅配搭同款式,咁樣反而更正統,更有儀式感️而且每一款都已經襯好哂馬甲、袋巾同埋bowtie,最特別係馬甲唔似普通嘅一件過,而係上下扣帶,令成套燕尾服更加修身

    經了解後先知道,呢到每款西裝都係香港本地設計師設計,而且係made in HK布料則來自英國 男友就試左全店三款嘅禮服,分別係Tailcoat、Morning Coat、Tuxedo


    1️⃣Tailcoat(係三款入面最隆重嘅晚間禮服,通常係晚上六點後穿著)

    我同男友一見到就心心眼,因為成件燕尾服十分修身,而且令原本只有17x高嘅男友,顯得更加修長🤩加上,我地會行教堂,呢件燕尾服配埋我個件大拖尾長袖蕾絲婚紗,真係好襯🥰 好配合教堂個種莊嚴同神聖嘅感覺


    2️⃣Morning Coat(適合日間婚禮穿著嘅正式禮服)

    可能第一眼望落去好似差唔多,但仔細一睇就會知道有分別,燕尾嘅部份會短少少,表面亦帶少少藍色,所以感覺就比較年輕同輕鬆一啲質料同剪裁都同Tailcoat相約,搞到我同男友都爭扎左好耐揀邊一款


    3️⃣Tuxedo(無燕尾嘅正式禮服,適合晚宴穿著)

    因為我地之前係sample sale已經買左兩套,所以就冇特別影到相但係佢地都好好俾我地試埋,剪裁同用料一樣十分挺身,很有質感


    五)價錢

    分為租借/訂造,小資嘅我地當然係租借🤣任何款式租三日兩夜都係$2xxx,可免費改期,同埋當然借愈多件優惠愈多🥰宜家仲做緊租兩件或以上有額外折扣優惠,同加$9xx就可以租多件爸爸西裝(Tuxedo),我覺得本土岀產咁高質量黎講,價錢真係好划算


    (六)總結

    1.最後我地都係揀左1️⃣Tailcoat ️因為一來我地都著重儀式感,而且我地都鍾意佢個種classic嘅味道 教堂證婚對我地而言,係婚禮中最重要嘅部份,所以著正式啲都係一種尊重同埋晚宴match in又可以著番,都幾抵🤣


    2.新郎都係婚禮主角之一所以我覺得租一套靚西裝,同新娘租一套靚婚紗一樣重要,所以我會多啲鼓勵另一半,同埋陪佢試多幾間,咁樣就可以大大提高佢嘅參與度


    3.小資新人可以好似我地咁,多啲留意西裝店嘅sample sale,購入一到兩套,價錢一般都係$300-$600內,咁樣就可以租一件貴少少,但其他就平少少,成個預算就更彈性


    4.搞婚禮先知,香港有好多本地嘅婚禮小店默默努力,疫情對佢地都影響好大🥺所以如果能力許可,我都盡量幫襯一啲本土嘅設計同小店,搵搵下就發現好多價錢都唔算好貴,而且勁高質量


    又完成一項to do list‍♀️距離婚期仲有八個月左右,好似仲有十萬樣野未完成🤣大家都繼續努力,發掘更多「高質」小店🤩🤩


    如果你想知呢間西裝店的資料,可以留言我再pm你


    有興趣可以睇埋我其他嘅分享,我會繼續share籌備婚禮中嘅點點滴滴


    wwjnbd婚禮文章統整目錄

  • bellajunjun 發表了新BLOG 13日前
    wwjnbd#14 「上鏡」新郎皮鞋選購初體驗

    上次提到男友對於自己嘅禮服都幾有要求所以係準備影pre wedding之前,佢就買左一對已經睇中好耐嘅靚仔皮鞋,襯番一身西裝影完後,我地都覺得對皮鞋勁上鏡,而且佢地嘅售後保養服務真係冇得頂跟住男友就話一定要打篇blog,大力推薦一下呢間皮鞋鋪🤣


    (一)地點

    門市有兩間,分別係銅鑼灣同尖沙咀,對港九新界嘅人士都好方便

    最懶嘅方法一定係online shop買而且不定期有sale,我男友就係把握時機衝去買,真係抵好多

    (二)皮鞋款式

    呢間皮鞋店代理左不同國家嘅品牌,有英國、西班牙、意大利同日本等嘅手工皮鞋,所以款式都幾多元化

    我同男友都有上過門市睇過,款式選擇好多,而且好型格,唔係老老套套個種番工皮鞋,而且每對皮鞋的手工都好細緻,個底都好厚實著上去,男友話真係同平日買開幾百蚊對嘅好唔同,好行之餘又好實正,真係一分錢一分貨🤩

    我男友係online shop 減價買個對皮鞋,係來自意大利人手製造嘅品牌起初都驚尺碼唔岩,但結果收貨一試,就一take pass 之後,第一次落地就係影pre wedding🤣影岀黎嘅效果,真心勁上鏡



    (三)價錢

    價錢會根據不同款式用料各有不同,介乎$1xxx至4xxx不等當然留意網上時不時嘅sale,會再平啲架️而且,當中包埋免費皮鞋翻新服務🤩(呢個真係值回票價🤣之後會講️)


    (四)售後服務

    有睇開我嘅blog就知,我地pre wedding去左泥涌影相(可以睇翻香港篇#1 ; 香港篇#2) 結果影完成對皮鞋都係泥,我男友勁心痛番到屋企用牙刷係咁刷,點知都搞唔掂🤦‍♂️刷到條邊真係花花地咁......



    之後男友就只好pm呢間舖解救發現佢地服務真係一流,回覆又快,又好有心機教我男友點處理


    之後佢同翻我男友講,原來有免費翻新服務️我地當然立即預約啦,對鞋仲要big day著架嘛🤣🤣翻新過程好方便,只要上網預約,拎去鋪頭,大約兩到三星期就拎得番收翻對鞋真係新淨左好多特別係個條我男友刷得好勁嘅邊邊🤣呢個免費服務仲要係不限次數真係好正



    (五)選購皮鞋小建議

    1.皮鞋款式可以盡量揀半拋光(圖一),而非啞面(圖二),咁樣睇落同影相效果就會比較上鏡同Grand啲



    2. 本身我同男友都係小資新人,都會覺得千幾蚊買對鞋有啲貴但諗番pre wedding同big day,新郎要行行企企全日,加上男友平日番工又可以著得番,就覺得係值嘅


    如果有興趣想知皮鞋店嘅資料,可以留言我再pm大家‍♀️‍♀️


    有興趣可以睇埋我其他嘅分享,我會繼續share籌備婚禮中嘅點點滴滴


    wwjnbd婚禮文章統整目錄



新婚檔案

我們的大喜日子 : 2021-12-11

全部 相簿

全部 BLOG

所有留言 留言板

  • 馬喵媽 2020-03-27 18:52
    你好! 1) 阿卡咖啡花花茶:功效:減低血糖、排走血管脂肪,幫助傷口復原。 2) 南非茶葉茶包:功效:泰國種植的南非葉茶有清熱解毒的功效, 功能散熱、涼血、清血。對風熱性或血熱性皮 膚病及皮膚搔癢具舒緩作用。 3) 野生絞股藍茶包:功效:保肝解毒作用。經常沖飲有效降血壓、降血糖 和降血脂,亦有效防止心血管疾病。 4) 中濃度浸泡(冷泡)咖啡包:100%泰國烘焙Arabica Coffee Bean 5) 中濃度濾掛咖啡包:100%泰國烘焙Arabica Coffee Bean 6) 高濃度濾掛咖啡包:100%泰國烘焙Arabica Coffee Bean ...