burtbee
新婚同學
您認識burtbee嗎? 認識或者想成為新朋友,立即可以加為「好友」,第一時間知道burtbee的最新動態。
把burtbee加為好友

  • BLOG
  • 相簿
  • 新婚檔案
burtbee

https://wow.esdlife.com/space.php?uid=149562

已有 8510 人次訪問, 109個積分

全部 個人動態

  • burtbee 發表了新BLOG 3日前
    review— 回禮小禮物

    呢篇係私心分享,有興趣可以繼續睇,怕係廣告既 b2b 可以直接 skip 走喇 回禮禮物響整個婚禮中,我覺得都算雞肋,我地已經安排左 photobooth,所以即管 hea 住搵下有冇咩新奇野,搵唔到都冇所謂啦。上淘寶搵過下,有 d 筷子、匙羹都幾靚,但硬係冇乜 feel。fb 見有朋友整天然手工梘,覺得如果回禮送有機梘又幾好喎,點知每舊成本最平都要 HKD 3x ,未計要俾錢人賺下,真係太貴喇。

    響我諗住放棄既時候,發現有個n 世冇聯絡既朋友無啦啦去左台灣,原來佢實在厭倦了香港既生活、節奏、壓力、空間... 竟然決定終止香港既一切,隻身跑到台灣開小店。我八卦睇下佢專頁,望下有咩賣啦,咦,得曲奇?心諗乜咁都賺到錢架咩?佢話真係未維持到生計,但好想堅持理想。佢間店只招呼單身客人,等客人有個獨處空間,我再望下佢店名「相信幸福xxxxxx」 乜咁老套既,個店名長到我都唔記得。🤣🤣🤣

    寒暄兩句後我就唔記得左佢間鋪,某日突然之間,佢間鋪再響我腦中出現 ,「相信幸福xxxxx」,只招待單獨來光顧既客人,成個理念,唔係就係為我既回禮禮物而設咩?準備結婚既 b2b, 唔係都係因為相信幸福,所以決定許諾俾另一半; 響未遇到對的人前,我地唔係都係獨身一人咩?「相信幸福乜乜乜」,全人手做既每一塊曲奇,包含既唔止係麵粉,仲有店主朋友既祝福。

    初時俾男朋友睇圖片,佢好老實咁話好普通咋喎 到完婚後,佢竟然唔捨得食,一直放在家裡飾櫃。我知道,相信幸福既唔止我一個,仲有身邊果位願意陪我走一輩子既另一半。
     

    店主將我同老公個名及 big day 日子印上去取代呢個貼紙

      
      

     
    成箱響台灣空運到香港  ,材料全天然,起碼唔怕成份唔安全先啦

    老公開始話普通,最後唔捨得食,而家收埋響飾櫃

  • burtbee 發表了新BLOG 4日前
    review— MUA

    big day 最重要既其中一個角色— mua, 我掙扎左好耐寫唔寫?寫左會唔會影響人地生意?唔寫自己會唔會唔舒服?足足一個月考慮,我決定寫,但唔開 mua 個名,咁寫黎做乜?我只想自己放下。

    mua 係婚嫁行業既朋友推薦,大力推薦,仲叫我要快,因為好 full 好full。睇過佢既作品真係好靚喎,再問期,我weekend 結婚都竟然俾到我喎。都冇再搵其他 mua, 一心諗住搵佢喇。上去試妝,一睇,咦,死喇,點解咁厚粉既?但唔理個粉底,成個妝又真係好靚喎,輪廓好突出,係好唔同喎,咁粉底部分呢?到時再諗啦

    big day 前一個月,mua 都好負責,抽個時間俾我再試粉底,感覺好似好過試妝,我就放心 big day 交俾佢喇。big day 本來一早 book 哂出門地方,好近婚宴場地,但之前一星期左右,因為私人理由,改左響自己屋企出門,部署上亂左少少,因為要通知28 座公司、攝影團隊、所有親戚朋友、mua... 更改地點,但大家都好似冇乜問題,我就放心了。

    到朋友回相,發現點解對眼咁怪既?係咪角度問題呢?再睇多幾張,真係大細眼喎,唉,之後先知,原來係化妝出左事。mua 承認係當日太急,冇用手提影一影相,冇察覺眼唔對稱呢個問題,佢有道歉,但同時開始話我屋企唔夠地方、攝影師、我老公、姊妹當時冇一個提出...... 

    呢個 mua 係專業既,行內極高知名度,化妝 set 頭好快,當日亦有盡力幫手,因為我知自己擺午宴,時間好急,所以我唔介意俾高價錢,都要搵一個經驗化妝師。睇番相,整體妝容都係好靚,輪廓真係化得好突出,遠睇我都覺得自己做左一日明星既。

    big day 只係得一日,你話我有冇唔開心?話冇都係呃你既,但有冇嬲?都有過既,但唔係去太子美x坊租褂,俾人存心呃果隻嬲,最多既反而係失望,收呢個價錢,佢 fb 既新娘個個化得咁靚,點解我咁黑仔。但對方唔係專登整到咁,外在因素影響佢當日表現,真係唔係事前可以預計到。

    嘗試搵人修圖氹下自己,原來都唔係話唔得

    各位 book 唔到心水化妝師其實都唔需要太失望,一場婚禮冇可能完美,有時真係塞翁失馬架。老公話 big day 日天氣咁好,攝影師又好,賓客好似都開心,都冇乜野可以 complain 喇。都係既,既然有野可以補救,就放下吧

  • burtbee 發表了新BLOG 4日前
    review— 2P1V 攝影師團隊

    呢度好似較少 big day 攝影攝錄師回顧?可能唔想露樣?最近收到回相,真心好鍾意,特別係影相角度。睇番d 相,覺得攝影師成功帶出婚禮當日親情、友情、愛情應有既溫馨感覺。決定用少少時間打文,多謝 vendor 之餘,亦希望大家有多個選擇。

    自問我同老公及屋企人都比較內向既,唔會好識表達情感,呢隊攝影團隊唔係話超勁搞氣氛,但影出黎既相片就流露出自然真摯既感覺。我爸爸係超傳統既中國人,我睇到呢張相都即刻 send 俾佢



    場地篇

    超鍾意呢張相,見到姊妹當日咁用心為自己紀錄重要時刻,好多野,盡在不言中。

    嫲嫲97 歲高齡參加我婚禮,呢個笑容感動得我想喊

    外影

    感激兄弟姊妹既配合,協助我地順利完成婚禮




  • burtbee 發表了新BLOG 4日前
    review— MUA

    big day 最重要既其中一個角色— mua, 我掙扎左好耐寫唔寫?寫左會唔會影響人地生計?唔寫自己會唔會唔舒服?足足一個月考慮,我決定寫,但唔開 mua 個名,咁寫黎做乜?我只想自己放下。

    mua 係婚嫁行業既朋友推薦,大力推薦,仲叫我要快,因為好 full 好full。睇過佢既作品真係好靚喎,再問期,我weekend 結婚都竟然俾到我喎。都冇再搵其他 mua, 一心諗住搵佢喇。上去試妝,一睇,咦,死喇,點解咁厚粉既?但唔理個粉底,成個妝又真係好靚喎,輪廓好突出,係好唔同喎,咁粉底部分呢?到時再諗啦

    big day 前一個月,mua 都好負責,抽個時間俾我再試粉底,感覺好似好過試妝,我就放心 big day 交俾佢喇。big day 本來一早 book 哂出門地方,好近婚宴場地,但之前一星期左右,因為私人理由,改左響自己屋企出門,部署上亂左少少,因為要通知28 座公司、攝影團隊、所有親戚朋友、mua... 更改地點,但大家都好似冇乜問題,我就放心了。

    到朋友回相,發現點解對眼咁怪既?係咪角度問題呢?再睇多幾張,真係大細眼喎,唉,之後先知,原來係化妝出左事。mua 承認係當日太急,冇用手提影一影相,冇察覺眼唔對稱呢個問題,佢有道歉,但同時開始話我屋企唔夠地方、攝影師、我老公、姊妹當時冇一個提出...... 

    呢個 mua 係專業既,行內極高知名度,化妝 set 頭好快,當日亦有盡力幫手,因為我知自己擺午宴,時間好急,所以我唔介意俾高價錢,都要搵一個經驗化妝師。睇番相,整體妝容都係好靚,輪廓真係化得好突出,遠睇我都覺得自己做左一日明星,但近睇就呃唔到自己喇。

    big day 只係得一日,你話我有冇唔開心?話冇都係呃你既,但有冇嬲?都有過既,但唔係去太子美x坊租褂,俾人存心呃果隻嬲,最多既反而係失望,因為對方唔係專登整到咁,但外在因素影響表現,並唔係事前可以預計到。

    嘗試搵人修圖氹下自己,原來都唔係話唔得

    各位 book 唔到心水化妝師其實都唔需要太失望,一場婚禮冇可能完美,有時真係塞翁失馬架。老公話 big day 日天氣咁好,攝影師又好,賓客好似都開心,都冇乜野可以 complain 喇。都係既,既然有野可以補救,就放下吧

  • burtbee 評論了 熊仔人 的BLOG 回禮禮物有無推介? 6日前

新婚檔案

我們的大喜日子 : 2029-07-04

全部 相簿

全部 BLOG

  • review— 回禮小禮物

    review 接近尾聲,開始講下 d 雞肋位。 回禮禮物響整個婚禮中,我覺得都算雞肋,我地已經安排左 photobooth,所以即管 hea 住搵下有冇咩新奇野,搵唔

    閱讀全文 | 3日前 | 8人評論

  • review— MUA

    big day 最重要既其中一個角色— mua, 我掙扎左好耐寫唔寫?寫左會唔會影響人地生意?唔寫自己會唔會唔舒服?足足一個月考慮,我決定寫,但唔開 mua 個名,咁

    閱讀全文 | 4日前 | 42人評論

  • review— 2P1V 攝影師團隊

    呢度好似較少 big day 攝影攝錄師回顧?可能唔想露樣?最近收到回相,真心好鍾意,特別係影相角度。睇番d 相,覺得攝影師成功帶出婚禮當日親情、友情

    閱讀全文 | 4日前 | 77人評論

  • review— pre wedding

    pw 我揀左香港影,因為可以因應天氣而改期,而且租衫、準備道具等等都方便 d 。 pw 我只係影左一輯,本身都 hea 底,影相又要準備指甲,染頭都幾麻煩,所以寧願

    閱讀全文 | 1月前 | 18人評論

  • review— MC 

    MC 重要相信大家都知,不過我擺午宴,又有場地工作人員傍住,覺得唔需要太緊張。本來搵左朋友幫手,反正成個婚禮我都想輕輕鬆鬆就可以,但臨結婚前2-3 個月,我

    閱讀全文 | 1月前 | 79人評論