aptsss
人氣同學
您認識aptsss嗎? 認識或者想成為新朋友,立即可以加為「好友」,第一時間知道aptsss的最新動態。
把aptsss加為好友

  • BLOG
  • 相簿
  • 新婚檔案
aptsss

https://wow.esdlife.com/space.php?uid=150294

已有 9298 人次訪問, 339個積分

全部 個人動態

  • aptsss 評論了 gel9055 的BLOG $4000有找室內攝影package 6日前
  • aptsss 評論了 芷悠 的BLOG 幸福傳承-物資 7日前
  • aptsss 發表了新BLOG 8日前
    🧘‍♀️瘦身篇

    進入倒數三個月的階段,上個月已經開始左減肥!短短一個月,我已經見到有成效啦!而且個個見到我都話我瘦左!好開心!


    等我同大家分享一下我嘅小小心得!

    第一件事,有句說話好岩,就係「飲食七分,運動三分。」


    減肥第一件事係要控制飲食!好重要!

    我係呢個月戒曬所有零食,除左主食之外,我其餘時間都唔會食其他嘢!另外,糖份食物一切Say No! 乜嘢珍珠奶茶、朱古力、甜品、雪糕、蛋糕都唔好食啦!要係短期之內達標真係要忍口!記住!結完婚就可以架啦!堅持到底!三個月啫!好快過!為左著起婚紗靚D!一切都值得!


    除此之外,澱粉質都要戒要少食。我呢個月主食用在蕃薯代替白飯。連我最愛食嘅粉麵都要戒!公仔麵、烏冬都盡量唔食!


    第二件事又係最重要的事係一定要飲多D水!足夠的水幫助排便,又可以消水腫。水係減肥必須的!


    第三件事係切記要食得飽!記得一定要食得飽!唔可以令到自己有飢餓感!好重要架!千奇唔好絕食或節食!最後太肚餓而食多左真係得不償失!此外,食生果同吸收多D有營養嘅食物!減肥都要均衡飲食!唔可以令到身體因爲減肥而缺乏免疫力!減肥都要減得健康!


    以下我會分享我嘅健康餐單。


    我係參考一位KOL 嘅減肥餐單!真係好work! 

    但我無跟足。我平日只食兩餐,所以通常早餐同午餐一齊食。


    早餐+午餐,起身第一件事係食一杯水!飲完好快就會有便意!之後我會食一隻雞蛋,白烚係最好的,但有時我都會炒蛋,煎蛋無咁悶。再配豆漿或鮮奶,加塊麥包。有時候會食Yogurt! 


    晚餐,盡量6點前食,晚餐係我最豐富的一餐主食。晚餐有西蘭花、椰菜、雪白菇、雞柳、洋蔥同一隻雞蛋。再加一條蕃薯。有時會轉三文魚。水果方面,會係金奇異果或者蘋果、藍莓。有時候,我會食蕎麥麵加兩隻烚蛋。唔夠飽仲有甘筍!其實食完呢餐已經好飽!成晚都唔會肚餓。




    運動方面,我主力想瘦手臂同肚腩。

    我每晚都堅持做瘦手臂運動同腹部運動。

    一星期會跑一次步或做30分鐘全身消脂運動。


    短短一個月我輕左4KG成個outlook 都瘦左!

    當飲食控制好,有時放假出去食一餐飯都無復肥!當然我都會做返運動還債啦!


    所以控制飲食好重要!大家要記得戒口!

    運動當然都是必須的!


    如果大家想參考健康餐單同運動嘅片,可以PMsend俾大家!

  • aptsss 發表了新BLOG 10日前
    🦷美白牙齒篇🦷

    準新娘進入倒數階段 

    今次要K.O.嘅項務係美白牙齒🦷


    我同未婚夫去左呢間位於銅鑼灣嘅牙齒美白中心-Whitening pro 


    我地約左夜晚7:30pm做,因為做完一個鐘唔食得野,所以中心負責人Kelly好細心提示左我地一定要食定少少野先上去。


    一上到去,Kelly 同我地講解Whitening Pro嘅用料源自意大利佢地堅持「牙齒美白零負擔」嘅原則不含Hydrogen PeroxideCarbamide Peroxide的美白護理劑,好強調藍光美白牙齒絕對唔係等如漂牙,而係利用美白護理劑去分解牙齒表面色素,令牙齒回復番原來嘅色澤。


    之後Kelly就對我地嘅牙齒色度作出評估,點樣去睇你嘅牙齒有幾黃幾白就係用色版去拼一拼。拼完就會記底牙齒色度,方便一陣完成藍光美白後作出對比。


    開始前先要刷牙,Kelly已經準備好牙膏、牙刷俾我地。


    刷完就開始啦,帶番副眼鏡同牙托,牙托幫我地唔洗咁攰可以借下力,Kelly幫我地揸上美白劑,之後就開始照藍光40分鐘,過程一D都唔痛,無感覺。


    40分鐘過後,Kelly 幫我地整走D美白劑,之後就叫我地去刷多次牙。刷完牙,一照鏡,有白到呀!我對比之下即時美白4-5 ,未婚夫比我更明顯,佢白左8


    補充番少少學術性資料俾大家了解多D


    佢地間公司全店都係使用附合歐盟標準的美白劑,咁歐盟標準即係乜呢?

    就係裡面唔可以‍♀️含有高於0.1%的雙氧水(hydrogen peroxide)


    因為雙氧水會傷害牙齒嘅琺琅質,造成酸軟痺痛,所以歐盟唔容許非牙醫的美白牙齒產品裡面有0.1%以上嘅雙氧水


    雙氧水係酸性物質,係利用強酸漂白牙齒⋯

    雖然都會有效果,但效果不持久,亦都會傷害牙齒⋯


    咁佢地唔用酸性,用咩呢?

    佢地係用鹼性物質去分解牙齒表面的污漬,美白劑最主要成份係「小蘇打」(hydrogen carbonate)


    原理同家居清潔會用到梳打粉差不多,因為佢有去污功效。不過佢地唔係就咁用梳打粉,因為如果直接用梳打粉磨擦牙齒,粒子都會磨傷牙齒表面。所以意大利廠方將小梳打的粒子打細,放到美白gel入面。美白時塗於牙齒表面,再利用藍光去activate小蘇打,達至分解污漬功效。佢地全店都係使用意大利制造牙齒美白劑,屬美容項目,不會對牙齒造成傷害。


    Whitening pro – 使用有ISO國際認可嘅可非過氧化物美白劑,好處:不傷害牙齒、不會造成牙肉酸軟疼痛、無後遺症、效果自然持久,牙齒回復原來顏色。


    而家有最新推廣價,各位快D去試下


    #Whitening Pro#牙齒#美白牙齒#藍光美白#準新娘#prosmile#teethwhitening#bridetobe#weddingphotography#weddingsoon



    Before After 白左4-5度!


    而家有最新推廣價,各位快D去試下

  • aptsss 評論了 Kanricky 的BLOG Led Backdrop Giveaway 13日前

新婚檔案

我們的大喜日子 : 2020-09-25

全部 相簿

全部 BLOG

  • 🧘‍♀️瘦身篇

    進入倒數三個月的階段,上個月已經開始左減肥!短短一個月,我已經見到有成效啦!而且個個見到我都話我瘦左!好開心! 等我同大家分享一下

    閱讀全文 | 8日前 | 47人評論

  • 🦷美白牙齒篇🦷

    準新娘進入倒數階段   今次要 K.O. 嘅項務係美白牙齒 🦷 我同未婚夫去左呢間位於銅鑼灣嘅牙齒美白中心 -Whitening pro 

    閱讀全文 | 10日前 | 沒有評論

  • 結婚物資篇

    結婚物資 —  雙喜毛巾、襟花、利是封 、喜帖 雙喜毛巾 話說未來奶奶話男家傳統要回雙喜毛巾俾親戚,仲要每人回兩

    閱讀全文 | 19日前 | 42人評論

  • 求婚篇「#我的夢想婚禮」

    分享左咁多篇籌備婚禮嘅過程,原來從未分享過求婚篇!疫情嘅關係冇得去旅行,令我更加睇返以前去旅行嘅相 ⋯而我嘅求婚正正就係喺旅行時發生的 🥰

    閱讀全文 | 1月前 | 2人評論

  • 🧑‍🦳奶奶媽媽衫‍🦱

    婚禮倒數四個月 又 KO 一件事,揀左奶奶媽媽衫! 呢間舖頭係我好早前已經決定喺呢一間訂! 因為之前做朋友姐妹時朋友揀左呢間訂姊妹裙,當時已經

    閱讀全文 | 1月前 | 70人評論