BB已經七個月啦!因為大肚關係放假都好少去街四圍走,因三月前要放晒上年D大假,所以三月中放咗九日大假.今次大假真係太悶,冇得去旅行,老公又要返工.真係好難過.令外終於買咗樓現在開始裝修,等BB出世先搬過去.好彩老公多朋友仔今次裝修比預期用少D錢但用既料就係靚既.

差不多三個幾月.未知囝囝/囡囡.不過我就冇咩所謂,老公把口就話冇所謂,但我都知佢想咩.個人條腰粗咗好多有D唔慣.不過就一次都冇嘔過,只係自己成日感冒睇醫生.現在又唔可以打針快D好,病咗好耐一個月睇咗四次醫生·連醫生都話唔想見到我呀.希望病少D就好啦!

結婚啱啱一個月,生活上無咩改變,可能本身已經一齊住咗兩年所以好多嘢已習慣!今年2月開始籌備結婚到9月15日當日全部嘢都順順利利.結婚當日各親戚朋友對食物同流程都好滿意!身邊既人都讚,自己都好開心.老公現在已經成日想快D生個BB啦!近排都好多朋友仔有咗或待產,但我就隨緣啦!老公就話仔女都無所謂,但好多男人都其實想生仔

結婚既事差不多都準備好!但是心情都沒有好興奮既感覺住,可能九月先會緊張啦! 不過同男友D朋友聚會,佢地開始成日叫我做葉太,教到我唔係好慣. 返工又忙,個人都好攰! 影咗兩輯婚紗相要六月同七月先有得睇!重有四張大油畫相都唔知放係邊好? 其實係這段時間都幾開心! 估唔到我男友陪我影兩輯相,好多野佢都緊張過

婚宴 結婚日期 15-Sept-2010 ( 星期三) 婚宴場地 鸿星海鮮酒家(海港城店) 出門 女家屋企 場地佈置 鸿星海鮮酒家(海港城店) 婚宴菜單 天長地久宴∕兩圍素菜 結婚蛋糕 鸿星提供…五磅WEDDNG CAFÉ

還有半年!好多野要PLAN好!