原來不經不覺都成個月冇返嚟update啦, 唔係因為忙囉... 係因為懶...   場地問題已經解決咗啦, 我個wedding planner - JoyJoy之後咪俾咗份港島既hotel list我既, 俾咗末來奶奶睇咗, 又約埋出嚟, JoyJoy幫我同未來奶奶傾過, 分析過(因為我同佢講過好多次叫佢一定要幫我口..hahaha), 又睇埋其中2場, 結果.....咪又

去完site visit, 心水Holiday Inn個ball room, 紫色既場, 樓底又高喎, 超超超正!!價錢又係我哋預算之內, 都諗住落訂架啦....bf返去同未來奶奶講, 點知........佢話佢唔鍾意喎, 話佢d親戚主港島多, 所以唔方便, 有冇搞錯呀, 尖咀區點會唔方便呀, 咁我d親戚夠係九龍區多啦, 唔通過海佢哋會方便咩??? bf又話唔敢逆佢媽咪意

因為要慳錢搞結婚, 所以今年放假, 同bf都係留港, 但冇咩消費...   不過呢個復活節都好充實, 第一日要去拜山, 行到好攰, 所以之後就連瞓2日 + 煲劇, 正呀!! 呢2日 bf又好乖喎, 煑飯仔過我吃, 手勢唔錯架, 而我就負責洗碗+評分,再勉勵佢下次煑好d,,嘻嘻!!   得一日做嘢, 就係joy miss幫我哋約咗酒

今日收到Joy mail俾我既Hotel List啦, 實在太好啦 ! 感動ing...... 第一次見面時大概同佢提過我哋既要求, 今日就俾咗份list嚟, 都好詳細, 有地址, website, menu, 價錢.... 佢話如果唔啱就再幫我哋搵, 如果有邊d啱就再幫我哋約期 等我同bf呢兩日放假刨下先.

上個月bf終於同我求婚啦, 雖然冇電影入邊嗰d咁浪漫既情節, 不過我都好感動呀 ^^   應承嫁俾佢之後, 就要開始搞結婚啦, Help!!! 原來結婚真係好多嘢要做, 要搵酒席, 搵化妝, 搵婚紗, 搵影相....幾百樣嘢呀!! d親戚朋友知道我哋要結婚之後,都好開心, 俾咗好多意見, 其實我哋都好appreciated既, 不過...咁多