LYCHEEE
人氣同學
您認識LYCHEEE嗎? 認識或者想成為新朋友,立即可以加為「好友」,第一時間知道LYCHEEE的最新動態。
把LYCHEEE加為好友

  • BLOG
  • 新婚檔案
LYCHEEE

https://wow.esdlife.com/space.php?uid=171913

已有 5989 人次訪問, 81個積分

已有 1 篇婚享同學會貼堂好Blog

全部 個人動態

  • LYCHEEE 發表了新BLOG 10日前
    我的小資pre-wedding - 超值高質絲花球

    話說其實我由細到大都唔太識欣賞花,又覺得買花好嘥錢

    所以成日同男朋友講過時過節都唔駛送花

    我咁大個人淨係收過兩次花 (其中一次係大學畢業)


    係啱啱準備set婚禮budget嘅時候,我仲好傻咁以為$1000budget一定夠買哂全部花品

    到我要準備prewedding花球,真係去問價嘅時候,我先發現自己真係好唔知價

    原來一個靚嘅花球真係比我想像中貴好多


    問左10幾間花店後,真係好好彩比我發現左呢間新開花店

    我一問完個價錢都真係呆咗呆,以為自己睇少咗粒數

    shocked到要double check清楚d花球係咪好娘個d,唔係好敢相信自己眼睛


    確認自己無睇錯價錢之後,我好快就過左數hold

    由於我對花真係冇乜認識又冇乜特別喜好,所以我淨係決定左個size同形狀

    其他一切都交由店主就住我填嘅問卷幫我設計


    係交貨前一個星期,店主就send左個完成圖比我睇下有冇咩要微調

    我一收到就即刻心心眼,完全冇野需要再改

    send埋張圖比攝影師,佢都話係佢杯茶呀 真係好靚


    我本身比大份,所以揀左11-12吋散形花球想遮手臂

    瘦瘦新娘可以考慮揀細一個size


    靚女店主知我prewedding要用,特登幫我加多d深淺色

    影出黎真係好有層次

    睇得出佢用左好多唔同顏色同花材去做配搭,營造到高貴嘅感覺



    望住個咁靚嘅花球真係笑都笑得開心d


    連絲帶都靚到dum一聲

    而重要嘅事真係要講三次,可能佢仲係新開張,所以定價真係超值!超值!超值!

    咁高質嘅花球,如果出去第間整,收過千都唔出奇

    靚女店主忙緊擴充業務,佛系宣傳,所以我一定要幫佢大大力宣傳,希望多d人認識一間咁高質嘅花店

    大家有興趣就快d pm店主喇 因為真係唔知佢幾時爆單就加價...

    係到再放多d店主其他靚靚作品比大家欣賞下啦 



  • LYCHEEE 發表了新BLOG 11日前
    我的小資pre-wedding - 度身訂造仲平過租嘅男禮🥰

    大部分人搞婚禮時會比較著重新娘個part,例如新娘化妝啦,婚紗啦,褂啦,

    通常新郎禮服都係搭單係婚紗舖到租埋我哋一開始都係咁諗


    Prewedding前一個月,男朋友陪我去揀裙嘅時候試埋d男禮服,但因為佢好瘦,

    所以現成嘅size同款式佢都著得唔好睇,好似全部都鬆拋拋咁。


    之後我哋打算搵d專做男禮嘅舖頭租一套,又發現租一全套衫並無想像中咁平。

    然後神奇嘅fb知道我哋想搵男禮,就開始彈好多相關舖頭同廣告出黎,好快我就比其中一間嘅價錢吸引到 

    快手快腳book左第日去試吓,當時店主約左我去佐敦店~


    老實講,去到第一眼望過去d款式其實覺得唔太啱我哋,亦都唔係好敢隨意拎d衫出黎試,

    但多得女店主在場,佢好熱情咁邀請我哋盡量著上身睇效果,我哋試完一兩件就即刻雙眼發光,

    原來試左上身又真係幾靚幾型喎🥰之後我哋就開始瘋狂試身喇~去圖~



    一開始試嘅都係偏深色Tone

    試身期間,女店主都一路解釋同介紹返d款式同設計比我哋知,講多兩咀我哋話想試吓大地色,

    佢即刻call埋男店主叫佢係尖沙咀拎多幾套過比我哋試所以當日係有兩大人馬在場比意見我地~


    其實仲試左好多款不過唔post哂出黎喇~


    呢一日我終於明點解d男人會成日話件件都靚、無所謂、差唔多”  原來咩都唔識,真係會比唔意見架


    試完一大輪,男朋友最後揀左一款好特別嘅顏色,因為佢話大地色太多人著,唔想同人撞喎,

    咁都啱嘅,女仔都唔想同人撞婚紗啦~ 但我有少少驚隻色太搶,所以send左比攝影師睇睇先,

    攝影師竟然秒覆佢好靚+好鍾意🥰 我們就放心去馬!


    男店主就用超純熟手法幫佢度度度度度左好多野,好快就度完


    店主話原本正常單要等三至四個星期先有得試身,但佢哋知道我哋想prewedding用,所以都特別幫我哋加急(勿學


    過左兩三個星期,女店主就約我哋係太子試衫,試左上身真係好fit,果然度身訂造係唔同d

    以下係Prewedding影出黎嘅相,西裝隻色好靚呀 無論影咩背景都好突出,今次真係抵佢沾沾自喜


    西裝度身定做,由揀色到揀鈕都可以由自己決定,好有滿足感!我哋真係好滿意呢套買平過租嘅高質prewedding西裝呀


    如果大家都有興趣訂造一套咁抵嘅西裝就pm我拎詳情啦


新婚檔案

我們的大喜日子 : 2021-12-11

全部 BLOG