剛好仲有100日，期待中

由於之前要TAKE CARE媽的病況,所以好耐都冇update wow blog了! 不經不覺,媽已完成4針化療,仲有兩針便完成前半部分療程,如順利的話,可望o係過年前完成,希望媽加油努力   距離婚期大約仲有3個多月，係時候要開始準備一下結婚o既野了! 早在6月婚展時join了壹誓證婚,o係上星期就收到佢地sms通知叫我地預約上去佢地

今朝細佬帶左媽咪去港安醫院做心臟超聲波檢查，初步結果正常，但負責檢查個醫生唔係好肯答野(可能佢覺得佢只係負責做呢個檢查，其他野唔係佢跟開，所以唔係好願答 )，不過冇所謂啦，起碼初步知道結果正常，都已經放心左啲，而家等星期四同五再返屯門醫院腫瘤科覆診，好快就開始作戰了，加油努力

由於之前已攞得太多假，所以尋日陪媽見腫瘤科醫生o既重任就交俾細佬，原以為尋日就會確定下星期打第一針化療o既日期，點知接到細佬電話，話媽做完心電圖後，醫生話怕媽的心臟唔夠強壯，要再做心臟超聲波檢查，確定情況先再決定使唔使轉藥(因為其中一隻化療藥會傷害心臟)，因屯門醫院要排3至4星期先可以做心臟超聲波檢查，

媽咪於8月1日終於完成左邊全乳及淋巴切除做手術了，回想呢段時間，心情真係好複雜，同時亦都好感恩...   手術當日上午辦好入院手續，等待下午2時開始手術，媽咪o係約1時15分被推進手術室，望住媽咪瞓o係床上被推入手術室時，心裡面非常難受，深深體會到原來至親有事時，係非常心痛的.... 爸返屋企等候消息，

媽咪聽日就會入院做PET SCAN,確定病情有冇擴散而再決定治療方案,星期三先會有報告,這幾天又是漫長的等待.... 尋日同男友去左黃大仙為媽咪祈福,之後就返屋企陪媽咪食飯,男友同媽咪有傾有講,見到都覺得安慰.. 現在無論如何,我們全家一定要勇敢同積極面對,祈求上天保祐... 請大家為我媽咪祝福....感謝...

尋晚終於安排到時間見專科醫生,醫生睇完D片同報告話情況真係唔太樂觀,腫瘤好大,淋巴都好多粒有事,而家要再做PET SCAN,確定有冇擴散去其他地方,如果好好彩冇擴散其他地方就儘快做全乳切除手術,跟住電療化療,如果咁不幸的話......手術都係徒然,只可用化療幫助....   我祈求上天俾媽咪過到呢一關,要我做咩我都願意

經過近三星期的折騰,不斷進行各類的檢查及尋求不同醫生的意見,終於安排了媽咪明天入院接受左邊全乳及淋巴切除手術!   這幾星期對我黎講簡直係心力交瘁,家人非常擔心,媽咪又不斷自責,怪責自己拖延病情及要我地擔心頻撲,又要仔女付上昂貴醫療費用.....聽到真係好心"up"!   上星期一媽咪入院

尋晚見完醫生到今日接近放工呢一刻,感覺真係好難受,做做下野又會突然眼濕濕,完全集中唔到!不斷回想如果我可以積極D,早D迫到媽咪去驗身,就唔會到咁後期先發現,又怪責自己當一發現時仲去責怪媽咪做咩唔出聲,完全冇諗過其實媽咪已經好難受,媽咪,對唔住!   尤幸我可以在這裡抒發我的感受,亦都得到大家的祝福同鼓勵,

剛收到診所電話，話媽咪檢驗報告返左，醫生叫我同媽咪儘快過去，即刻請左半日假，而家飛奔緊入去！ 雖然之前已有哂心理準備係cancer case,但呢一刻都覺得好難接受，希望情況未去到最壞，可以儘快接受治療，頭先又忍唔住喊左出黎，但我一定要堅強啲，唔可以喺媽咪面前喊，我仲要take care佢！ 但……點解偏偏仲要喺呢個