今日見助產士,都係按肚聽心跳等等,今次小b mama叻喇,短短個半月肥番10磅,而小b亦都好活躍 此外,小b既用品都準備得8899喇~~~

到左20-22週喇,呢個時期梗係把握時間約期照結構啦!!!! daudau轉轉,終於見到頂頂大名既林醫生,呢個香港大學醫學博士真係好快手,個panel一轉就去左要照既地方,總之佢一句話無問題,我就千萬個放心喇 雖然林醫生講野係細聲d,不過只要番屋企睇番隻dvd就會清楚曬,今次主要照結構既u/s,包括小b既頭骨,頭圍,小腦,眼,耳,口,鼻骨,

今日剛好準時到pwh~~~不過今次輕左1kg,有少少擔心......要食多d野谷肥自己先得~~~~~今日都只係見吓姑娘,做d例牌檢查,不過,小b心跳都有159,好活潑的小b喔!!努力

原來我好幸運呀,政府一早幫我排曬期,約埋結構,仲俾埋過左預產期催生紙俾我,係bk網好多人約政府都要成12/1月先有得睇架喎 講番今次檢查,都係睇下u/s,唔經唔覺已經第十五週喇,醫生話小b果位置上番近肚臍,心跳好好,頭骨有3.2cm,腳骨有1.8cm,正常範圍,佢話頭5個月total要重4磅,其後每個月都4磅,咁就good喇,咁計又啱喎,全個過程

沒什麼特別,度高磅重+驗尿,太好喇,有40kg,即88磅,好耐無重過喇 醫生仲約左之後幾次產檢係番醫院,由助產護士follow,好過去健康院丫,hahaha,by the way,好開心又聽到小b心跳,hahaha

真的很好,威爾斯一早幫我book埋照結構 不過我都係揾多個私家睇多次放心d,因為始終係結構問題, 本身想約巫少慈架,但係因為佢直頭2月頭都full,放是就揾左佢個老師,結構權威-林勇行醫生,人地話行內人都公認佢係第一喎,唔知係咪咁勁呢~ 遲d話過你地知啦!!

阿李mama今日好醒呀,填好/帶齊曬資料去登記做oscar test,抽完血,跟住飲左小小水(因為好照d,太多就唔好)照u/s,見到小b又長大了,追埋第一次預計既預產期,有12week4喇,5.79cm,原以為都係11week半架,小b你真係快高長大喇! 照既過程,阿李baba都一齊睇住,係佢第一次睇小b咋,小b今日360度打關斗呀,dr. min chen話男同女bb都有g

今日得到個好消息,由7wk得5wk size,直至而家9wk追番到8wk4既size,太感動了,小b你好叻呀,上次見你只係微弱心跳,今次仲成日move黎move去,你知我見到你興奮得滯定係你以足阿李巴巴八厭呢,小b你叻過阿李mama呀,反而阿李mama病完仲減左磅....鳴....我會努力食多d休息多d,俾一個好既環境成長的,i promise~~

點解破財唔係擋災咩, 點解仲會病架, 都唔知食左咩, 明明明蝦子餅食既一樣...除左係健康院附近買果包蛋糕仔..... 膠胃炎左3日, 食完又痾, 琴日朝早仲嘔成8次, 黃疸水都嘔清, 點解仲係唔好架, 到今朝加料---傷風, 真係差到貼地

嘩,8:30到達沙田母嬰健康院,攞命囉!!! 今日主要係驗尿,度高磅重,量血壓,抽血,見醫生...等,原來抽血要抽4大支,初時仲以為好似平時咁抽一支就得添~~~~見個個抽右手...有d唔對路喎,因為我以往幾次抽血經驗都係左手,於是古惑地特意舉高我隻左手叫姑娘睇吓先啦,姑娘見到一條又粗又出既血管喎....嘻嘻,結果轉抽左手,多謝父母賜我