今日又見番姑娘..即係話小b仲未出世呀~~~ 小b,你覺得係肚入面好舒服嗎? 等我仲唸住你會係國際兒童節出世tim,而家唯有寄望64啦~~~

都差不多尾聲喇,如無意外下星期二會係最後一次檢查,臨走姑娘仲話希望下次覆診見我唔到,haha 傾開計,姑娘問我有無飲白蓮鬚,我話無呀,驚唔知受唔受到,佢就話佢果時飲完就見紅,唔知係咪咁啱呢,haha,不過呢d說話出自醫院姑娘又真係幾攪笑既,終於我都有買黎煲黎飲...結果....無咩野喎,無肚痛~~ 另一樣想講既係,呢個月每次

前日姑娘同私家講既一樣,小b頭仔落左d喇,仲有2個星期小b就出世喇,不過唔知呢期既豬流感會否影響到老公陪產呢?希望唔好啦,呢d機會係好難得ga ma~~~(雖然場面不好看...hehe) 覆完診搭車番工,發覺小b真係唔鍾意搭巴士(平時好少搭),巴士一來(鄧)二來嘈,攪到小b唔舒服,全程係度踢我,頂我,果種(敍)住既感覺真係以為佢想出黎咁

  今日37week足月喇,安排左今日去睇多次私家,睇吓小b頭仔落左盤骨未,結果係落左1/5,胎水胎盤同臍帶正常,小b依然係小b,而家都係6磅,比預產期既週數小成week呢~~~總之平平安安健健康康就得喇~~~小b有小b好,起碼易d生嘛,hahaha btw,今日做埋b鏈test,希望一切正常啦~~~  

又做同一樣既事情......不過今日小b naughty呀,今日聽心跳難左, 姑娘怕我聽唔清, 於是做多一次, 點知呢個八厭既小b仲走位唔俾我聽.....仲有....呢排踢到阿李mama好痛....仲有仲有....宮縮好密ar, 我問姑娘有咁既情況小b會否早出世, 姑娘都只係答...真係講唔埋, 小b, 你千奇唔好咁快出黎呀, 雖然大家都好想見到你可愛既一面

攪咩次次覆診跳都咁快架,次次量完又量,真trouble~~~ 今日小b頭仔已經轉左落去喇,仲有我今個月重左4磅,而家total 17磅喇,n咁多年,真係未試過重超過3磅,希望生完小b長番d肉,有95磅就好喇~~~

今次小B頭仔仍然向下~~~計起黎,聽日就34WEEK喇,仲有幾個WEEK我地就同小B見面~~~好期待呢~~~ 講番產檢,而家差不多重左20磅喇,宮縮情況都越黎越密,而小B呢排就扮大白鯊,成日用D骨頭係我肚皮滑浪,就好似大白鯊既背鰭係水面飄過咁,都痛架~~~ 仲有瞓覺質量開始下降,不過TOUCHWOOD都仲可以一覺瞓天光,比起好多準MAMA好好了

今日仲未有車車用,所以又一早起身去威爾斯..... 量血壓時,2次心跳都係快d,攪到成日等完又等咁量,真浪費時間!!! 今次都無咩特別,只係姑娘猛咁叫我要上產前班喇,要聽架,講到產後要點點點運動,如果咪老左好易失禁...etc...唉,我夠想上堂啦,但係佢d堂全部閒日,而家覆診又2個week1次,想請假都難~~~ 不過,我會努力睇書

好彩...好彩....姑娘zip左個期俾我照4d,由於照4d週數為24-28,最好為26-28,所以我都擔心book唔到醫生呢!!! 仲有2日就7個月喇,飲過糖水,照埋4D,重要既檢查都8899了,呢個超有性格既小B琴日開頭都有7分面俾人睇吓,越睇越離譜,首先用手摭住塊面,跟住掩住對耳,最後仲伸埋對腳上頭頂,係都唔俾個樣你睇,小B真係俾你吹脹喇~~~

由於阿李爸爸架車整緊,今次要6點起身到醫院飲糖水...zzzz... 起初聽媽咪講,佢生細佬時廣華d糖水難入口之餘仲(那)喉,所以我都醒目帶定飲管同檸檬,以便入口,因為嘔番出黎就白廢功夫,要重新做多次, 抽完第一輪血就攞黎飲啦,但係一飲,咦!!!!唔係好甜啫,隻味仲係我喜愛既莆萄靈口味,所以好快飲曬,只係飲完開頭有d想嘔番出黎