hihiheidi
靚太CLUB會員
您認識hihiheidi嗎? 認識或者想成為新朋友,立即可以加為「好友」,第一時間知道hihiheidi的最新動態。
把hihiheidi加為好友

  • 心情記錄
  • BLOG
  • 相簿
  • 話題
  • 靚太檔案
  • 新婚檔案

全部 心情記錄

  • 越諗越鍾意喺bride and you見到既lace婚鞋😢😢😢 點算!?但成$2xxx,實在太貴啦!但係搵左成個幾月都未遇到一對心儀既...就快big day, 但情緒好低落...... ( 8個 回覆)
  • 今晚好失望呀,知道LC有特價,放工立即趕去灣仔,想買多兩隻cherry red杯,但係去到排完隊入到去先發現已經賣哂😢😢😢 我真係好唔開心呀!😭 ( 2個 回覆)
hihiheidi

https://wow.esdlife.com/space.php?uid=94011

已有 82157 人次訪問, 1114個積分

越諗越鍾意喺bride and you見到既lace婚鞋??? 點算!?但成$2xxx,實在太貴啦!但係搵左成個幾月都未遇到一對心儀既...就快big day, 但情緒好低落...... (回覆)

全部 個人動態

  • hihiheidi 發表了新BLOG 18小時前
    Ch.80 婚後回顧:預備酒水小記🥂
    「招呼唔到,大家飲多杯!」🥂

    講就咁講,到底要預幾多酒水係我婚前其中一個煩惱。預幾多支酒好視乎你既賓客朋友好唔好飲酒,所以唔識飲酒既我對於每圍要預幾多支酒同埋要買咩酒諗左好耐🧐🤨 以下分享下已婚朋友俾我既各種advice (假設較少賓客飲酒):

    1)每圍白酒紅酒各一支;

    2)每圍紅酒兩支,白酒一支;

    3)每圍預1.5至三支酒,自由配搭;或

    4)除紅白酒外,再加烈酒數支。

    由於晚宴係中菜,個人覺得紅酒比較襯晚宴菜餚,所以target齋買紅酒。至於數量方面就取中庸之道,每圍預兩支紅酒就夠 而問過四大長老,佢地都唔太飲得,亦confirm冇親戚好飲酒,所以完全冇需要買烈酒~ 🤩

    搵左元朗一間好出名既紅酒鋪,哥哥嗰時結婚都係搵呢間! 唔駛預約就可以上去睇,上到去有職員招呼我地,同佢講買酒係for wedding banquet用,大約幾錢budget一支,然後佢就介紹左幾款酒俾我地睇~ 

    我地想買大約$100以下既酒,職員介紹左好幾款,其中佢提到婚宴酒可以考慮用扭蓋款,同埋一啲唔駛抖好耐氣晦配紅酒,咁樣擺酒時就唔駛一次過開哂所有酒,飲到幾支先開幾支,如果有剩就可以拎走唔好嘥!

    職員開左兩三款酒俾我地試,又歡迎我地影低啲酒款,好好人!由於當時即時決定唔到點買好,職員叫我地返去考慮下先再決定! 好明白客人既擔心,待客細心!讚 

    返到屋企諗左陣,又問左啲識飲酒既朋友,朋友推薦話其中一款酒幾好!所以最後揀左相中右手邊嗰支, 貪佢好易入口,價錢又合理,計返一支$80左右 (不過呢間廠已經冇再出酒,市場未必再有呢款)~

    Whatsapp聯絡該職員,用櫃員機過數就搞掂,職員仲會安排喺婚前一日大約中午安排免費送貨到擺酒場地!只要俾定擺酒日期、擺酒地點,同埋寫清楚新人名字就okay! 成個過程完全由紅酒鋪安排好哂,我只須喺婚前嗰日confirm紅酒已送到酒店就得啦!🤪 

    到婚宴完左,最尾有大約七支剩低!都算預算得okay! hehe! 
  • hihiheidi 上傳了新圖片 19小時前
    手機上載
    共 1 張圖片
  • hihiheidi 上傳了新圖片 19小時前
    手機上載
    共 1 張圖片
  • hihiheidi 發表了新BLOG 2日前
    Ch.79 婚後回顧:安心可靠的主花車和28座及訂車注意事項
    新娘子big day絕大多數都需要book主花車同28座,今次就分享返我既好vendors~ 

      
    對於婚禮既花車基本上我係無要求既,反正喺心目中都只會係影一兩張相或者video過鏡,我地又唔target影香車美人嗰類相,而同兄弟姊妹影合照亦唔一定要企正正喺車前影,所以主花車只要係正正常常車輛就okay ~ 

    酒店酒席送左「環球轎車」既三小時主花車服務,所以我地就直接選用佢provide既車型—Benz W221 series。另外都有款Toyota Alphard 6-seater, 但個人prefer房車款,所以揀左前者!

    圖中黑色房車正是主花車~^_^  
    至於28座方面,經過一輪上網嚴選同做姊妹時既比較,揀左「恆寶」~ 其實價錢係講佢絕對唔係最平嗰間,係屬於中價,揀佢既主因係聯絡人李先生超級細心,回覆又快又有禮貌~ 而我深信職員態度好反映一間公司既營運情況,所以即駛佢貴少少,但服務有交帶就得~ 唔值得big day為左平一千幾百而激氣或擔驚受怕

     恆寶同事話佢地車隊28座顏色係深藍色加星星紋(下圖係vendor之前send俾我) 本身我覺得幾好睇又易認,但因為99有啲迷信,驚佢唔鍾意喜事用藍色,所以問完李先生後,佢offer可以揀白色28座~    
     

    白色車雖然普通,但99 okay就得啦! (下圖係vendor send俾我)不過恆寶白色既28座數量不多,要就要早揚聲 
    價錢方面,2017年價:‍♀️主花車:免費(酒店提供)- 三小時服務;‍♂️28座:$1580(首四小時),$300(後加每小時),六個鐘共$2180

    聯絡電話大家上網打車隊公司名就可以搵到 不過呢兩間花車公仔都冇包花車佈置呀, 但佢地俾自己準備放上去!第一張相係我自己準備既龍貓結婚公仔 my favourite doll ~ 

    到結婚當日,兩架車都非常準時到達女家,司機亦非常有禮貌,特別係主花車司機手車超好,架車好定~ 大讚!

    而以下方面就係我認為訂車時必須注意事項️:

    big day前至少三個月要問定花車公司價錢同有冇期!因為市場上大家都搵緊類似既車輛,記得預足夠時間,如果俾人book哂冇車,就實在喊都無謂🤣🤣🤣 我就大約婚前半年book車

    訂車時留意價錢計法,例如有冇咩偏遠地區收費等,唔係離島先叫偏遠地區架,我見過有公司將屯門元朗大埔上水等當偏遠地區。而一般隧道費、停車場費等都唔包括,大家記得big day嗰日要另外預呢筆錢!

    訂車時預一預架車要載咩人,除左兄弟姊妹外,特別要注意攝影師呀、化妝師呀等等都要搭車,要預一啲位置俾佢地放器材等,之前既經驗睇返,都平均要最少四個座位放佢地既野,仲未計新人既佈置物品等呢!所以車位唔好預太mun!

    big day前一兩日花車公司會提供司機聯絡資料同車牌號碼俾你 新人記得俾司機contact兄弟姊妹,相反亦要俾埋一至兩位兄弟姊妹既contact 司機,方便雙方聯絡!(PS: 環球轎車有樣唔好就係big day當日朝早先有司機資料)

    喺車程安排上,一般都係女家 - 男家 - 證婚地點/外影 - 擺酒場地,記得要預足夠行車時間,亦要預有機會塞車,可能要extra time~ (PS: 我喺女家去男家時就係咁岩撞正塞車,明明行條路一百次都唔塞一次,但偏偏嗰日就塞左15分鐘 所以出門前可以叫司機睇睇google map traffic situation,睇下避唔避到塞車)

    記得預司機食飯時間,一般司機會自行去食飯,新人無須安排佢食咩,但做個體貼既新人,記得預足夠既食飯時間俾司機,咁咪大家都開心囉 (我嗰時就叫司機喺去到男家後就可以去食飯,大約一個小時後返到就okay)

    計一計清楚到底全日要幾多個鐘既車時,唔好因為貪平就book到岩岩好,始終嗰日有機會因為各種原因而overrun, 如果啲車過左你所訂既時數,好彩既就加鐘補錢就得,唔好彩既佢接着有另一張單要做,咁你就頭痕啦!所以都係嗰句,預鬆少少買個安心~ 再加上當日加鐘費會比你預先訂貴好多架!

    睇定上車、落車、停車等候點,諗定主花車同28座係咪停到,唔好到當日先發覺原來心目中既停車位原來係不准停車或者係禁區🤣

    如果花車本身係冇包花車公仔,研究定點樣綁實佢地喺上面~由於我既花車公仔同花都係自製既,所以綁上後行車時唔算超級穩陣,所以只係喺環球轎車既三小時服務先有綁到;到外影後轉用朋友車做花車時,就冇再綁對公仔上去,以免一對龍貓公仔命喪公路

    可以搵一個兄弟姊妹專責花車呢part, 我當日就冇,只係定左人負責聯絡司機,所以司機到達所有野都好順利,唯一有個位係我地既問題,冇講清楚有個時間係兄弟姊妹搭28座出發去食飯先,搞到佢地誤以為要等埋新人落樓,結果搞到佢地少左20分鐘食飯時間,唔好意思‍♀️‍♂️

    呼,打左好多字,希望睇完既朋友都可以留個言/腳印支持下啦 yeah! 
  • hihiheidi 上傳了新圖片 3日前
    手機上載
    共 1 張圖片
  • hihiheidi 上傳了新圖片 3日前
    手機上載
    共 1 張圖片
  • hihiheidi 上傳了新圖片 3日前
    手機上載
    共 1 張圖片
  • hihiheidi 上傳了新圖片 3日前
    手機上載
    共 1 張圖片

靚太檔案

我的結婚日期 : 2017-11-18

新婚檔案

我們的大喜日子 : 2017-11-18

全部 相簿

全部 BLOG

小圈子

新婚圈子 婚後賣物會 2.0

所有留言 留言板

  • skysky 7月前
    多好謝你分享新郎西裝, 好有用, 多謝你, 繼續加油!:)