尋晚開始涼涼哋 前兩日又濕氣重重 因為尋日朝早啱啱洗完床單被袋枕袋 天氣唔係咁好嘅時候 d床單枕袋但求乾就算 收納前能夠快速燙一燙已經好好 但我又好怕d床單被鋪又笠又重果種感覺 於是焗被係每星期嘅指定動作 今朝就的起

冬天食煲仔飯 除咗係指定動作 仲係一個小小情意結 記得同老公拍拖時 就算天寒地凍 夜媽媽都會專登出街去搵煲仔飯食做宵夜 凍冰冰都仲揀坐室外嘅檯坐 一份好青蔥嘅小浪漫

從小到大都好鍾意食餃子 蒸餃煎餃鍋貼等等 每日食都唔會厭 細細個就最期待媽咪整餃子加上海湯麵比我哋食 人仔細細果時已經起碼一打起跳 從前放假有時間就會一家四口開壇整包整餃子 所以估計喜愛餃子嘅因子遺傳咗比羲廷 佢